Mentres Arafat agoniza en París, Palestina e Israel prepáranse para a nova etapa que se abre coa ausencia do presidente da Autoridade Nacional Palestina e líder da OLP. Representantes de 13 movementos palestinos reúnense hoxe en Gaza para analizar a nova situación. O primeiro ministro da Autoridade Palestina, Abú Alá fíxose con novos poderes en materia de seguridade e financiamento para reforzar a súa posición no goberno. No outra banda do muro, en Israel, as forzas armadas están en alerta nos territorios ocupados. Segundo a televisión israelí, os mandos do exército israelí recomendaron aos políticos hebreos que aproveiten a desaparición de Arafat para achegarche á comunidade palestina a partir dun proxecto redactado en previsión do falecemento do "rais" titulado "Unha nova páxina".