Vieiros

Un grupo de preto de 500 persoas, segundo o Faro de Vigo, formado por armadores, familiares e tripulantes dos arrastreiros que faenan nos caladoiros de Hatton Bank, ao norte de Irlanda, protestaron no peirao vigués pola presenza do MV Esperanza, o buque de Greenpeace que acosou a tres arrastreiros galegos durante a campaña que realizou nas últimas semanas para pedir unha moratoria na pesca de arrastre de profundidade. Os manifestantes lanzaron ovos contra o barco ecoloxista, intentaron asaltalo, cortarlle os cabos de amarre nas bitas e penduraron parcantas coas súas reivindicacións, mentres proferían berros contra os ecoloxistas: "mercenarios", "piratas pintados de verde", "quen vos paga? Noruega? Canadá?". Os ecoloxistas aseguraron que nin esperaban nin comprenden esta protesta.