Edición xeral
A auga: recurso estratéxico para o novo século
Dous millóns de persoas calcula a ONU que morren cada ano por enfermidades vencelladas coa falta de acceso a auga potábel, o 90% cativos menores de cinco anos. Máis de mil millóns de persoas non teñen acceso a augas seguras e máis de 2.500 millóns non dispoñen de sistemas sanitarios básicos. "A auga, fonte de vida", é lema este ano da campaña das Nacións Unidas na conmemoración que vén celebrándose cada 22 de marzo dende 1993 e que desta volta quere abrir o bautizado "decenio internacional da auga".
A importancia da auga para garantir a saúde e o benestar dos cidadáns, e como factor clave para o desenvolvemento económico das comunidades vén sendo destacado dende o organismo internacional, que quere destacar cara a meta simbólica do 2015, a importancia da auga no fornecemento das condicións máis axeitadas para a consecución dos chamados obxectivos de desenvolvemento do milenio. Informes da propia ONU ou do Banco Mundial teñen subliñado especialmente a importancia crecente da auga coma recurso estratéxico e agoirado que as guerras deste século terán unha das súas causas na loita polo su control.
"Trátase a auga coma se fose un artigo gratuito e infinito, pero incluso cando o subministro e abondo, córrense cada vez maiores riscos pola contaminación e a crecente demanda", advertira o secretario xeral da ONU, Kofi Annan, no seu discurso de hai dous anos por estas datas.
Ligazóns
- Día Mundial da Auga
- Foro Mundial da Auga
- Anteriores: Día da Auga 2004, a predicción meteorolóxica, a mellor arma contra
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto