Vieiros

As prestacións económicas aos desempregados galegos están, con 819,3, uns 113 euros por baixo da media estatal. Só os parados de Estremadura e Canarias son un chisco máis baratos ca os galegos, nunha estatística que ten á cabeza aos parados de Navarra, con axudas medias no contorno dos 1.126 euros. As axudas e estratexias contra o desemprego estarán entre as prioridades da axenda para a reforma laboral que sindicatos, patróns e goberno comezan a negociar en maio. Os datos do mes de marzo reflicten que o número de parados rexistrados no INEM en Galiza baixou en 902 persoas, o 0,58%. No conxunto do estado o paro reduciuse un 1,93% no mesmo período.
Anteriores: