Vieiros

A orixe da moción de censura é a destitución por parte do anterior alcalde do dous edís do BNG e deu por finalizado o pacto suscrito entre o PSOE e o BNG despois das últimas eleccións municipais. Os concelleiros do BNG decidiron darse de baixa na formación nacionalista para poder apoiar a moción de censura que permitiu o ascenso á alcaldía do candidato do PP.

Segundo o novo alcalde, a moción contou co "total apoio" da dirección provincial do Partido Popular, que non considerou que se dera unha situación de transfuguismo.

A de Verea é a séptima moción de censura que se presenta en Galiza no que vai de lexislatura e a terceira na provincia de Ourense. Na maior parte dos casos, estas manobras favoreceron ao PP, que recuperou a alcaldía de Ponteareas e, máis recentemente a de Bueu.

Verea é un pequeno concello da comarca de Celanova cunha precaria estructura poboacional, social e económica que condiciona a súa actividade política. Só algúns datos: Verea ten arredor de 1.400 habitantes, aínda que o censo de votantes é de 2.079 (no 2003). A taxa de poboación activa é só do 33,1% e a porcentaxe de paro, do 18,6%. A idade media da poboación é de 55 anos. En 2003 rexistráronse 6 nacementos e 33 defuncións.