Vieiros

"Será un festival de fe, alegría, irmandade e fraternidade", agoirou o Papa Beito XVI, que este xoves chega a Colonia para asistir aos actos desta Xornada Mundial da Xuventude, organizada polos católicos alemáns.

Cen millóns de euros vai custar esta reunión e preto da metade dos cartos sairán dos petos dos propios peregrinos que se achegarán a Colonia pagando pola asistencia ao evento ata 170 euros, no caso de que a organización lles forneza o aloxamento. A Igrexa Católica alemana paga un 30% do resto e outra parte vai a conta de patrocinios e administracións.

Voces críticas que desde dentro da propia Igrexa Católica tentarán estimular o debate en temas coma a marxinación da muller na Igrexa ou a prohibición do preservativo para os fieis malia a gravidade do andazo da SIDA. Por outro lado, contámoslles que Zona de libre relixión é a proposta conxunta de actividades que levan á cidade diversos grupos de todo o mundo en defensa do ateismo. Os actos inclúen varias conferencias sobre os aspectos máis polémicos arredor do catolicismo oficial e a que pretende ser cerimonia multitudinaria de apostasía, bautizada "Festa de abandono da Igrexa Católica".