Vieiros

Vieiros de meu Perfil


Fwwwrando

RSS de Fwwwrando
O PP OPÓNSE PORQUE NON CRE NA “IMPOSICIÓN”

Se non hai galego, non hai contrato

O Parlamento insta á Xunta a non traballar coas operadoras que non usan o idioma do país

Redacción / Axencias - 16:14 10/05/2007
Navegando en inglés no móbil / Foto: Galipedia

Navegando en inglés no móbil / Foto: Galipedia

Usar a multimillonaria factura que paga a Xunta ás operadoras de móbiles para lograr dunha vez que ofrezan servizos en galego. Esa é a proposta aprobada hoxe no Parlamento Galego co apoio de socialistas e nacionalistas.

O PP aposta pola persuasión
Polo contrario, o PPdG votou en contra xa que, segundo dixo o deputado conservador Angel Tahoces, cómpre usar “o convencemento e non a imposición". Os populares apostar por facer reflexionar ás empresas para que vexan que o galego tamén "é un negocio".

O deputado do BNG Bieito Lobeira defendeu a postura de que “se non hai galego, non hai contrato". Esta posición foi asumida pola maioría que apoia ao bipartito, pois a resolución do Parlamento insta á Xunta a que "condicione calquera tipo de contrato a que estas empresas se comprometan a manter o dereito dunha escolla en galego".

O PsdeG a través do seu voceiro, Manuel Gallego, dixo que cómpre "unha aposta seria e decidida" a prol do do galego nas novas tecnoloxías para fomentar a lingua entre os mozos.


Ligazóns

4.85/5 (20 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: