Vieiros

"Dóenos ter vivido durante meses esta falacia", comentou o voceiro da executiva do Partido Nacionalista Vasco. Nos micrófonos de Radio Euskadi, Íñigo Urkullu criticou a actitude da esquerda abertzale nos últimos tempos e acusouna de "xogar a concentrar o seu voto".

Denunciou tamén as acusacións directas que o comunicado da ETA realiza cara ao PNV, e argumentou que "o Partido Nacionalista Vasco é o espello do fracaso da ETA nestes 40 anos", indicando que o abertzalismo é un sentimento positivo que "hai que ir construíndo día a día".

Por outro lado, asegurou que o PNV seguirá as conversas con Batasuna. "Dixemos máis dunha vez que se hai que baixar ao inferno e falar co diaño, nós estamos dispostos a facelo", subliñou, aínda que precisando que "queremos saber en cada momento a quen representa realmente aquel con quen falamos e que lexitimidade ten". "Falar por falar non leva a nada", laiouse, pedindo que as conversas que se realicen deberan levar a algún sitio e laiándose de que a esquerda abertzale pareza buscar "o caos político.