Manuel Fraga: "Esperemos que o pobo español recapacite de cara ás xerais"
O actual senador do Partido Popular dixo que o comunicado pon de manifesto que o Executivo español "estivo equivocado dende o primeiro momento".
O ex presidente do Goberno e senador popular Manuel Fraga Iribarne amosouse esperanzado en que "o pobo español recapacite sobre onde están os seus intereses" de cara ás eleccións xerais, despois de que a ETA anunciase na madrugada desta terza a ruptura da tregua.
Así se pronunciou Fraga en declaracións aos xornalistas minutos antes de acudir a un almorzo co embaixador de EUA no Estado, Eduardo Aguirre, organizado pola axencia de noticias Europa Press.
Cambio de actitude nos fiscais
Ao seu xuízo, o comunicado da organización terrorista é testemuña de que o Executivo español estivo "equivocado dende o primeiro momento", como así quedou demostrado, segundo salientou, co atentado da T4.
Neste senso, o ex presidente subliñou a necesidade de que o goberno español "troque as instrucións" aos fiscais, e tome as medidas oportunas para loitar contra a ETA. Nese camiño, engadiu, contará co apoio do PP.
Comentarios (1)
Canta razon ten este. Esperemos que as xerais supoñan un pau tan grande a actual liña do PP: Rajoy, Zaplana e Acebes coa colaboración estelar de Aznar, que obrigue a este partido a volver o centro esquecendo a estrema dereita que ten no seu interior a cal todo lle vale, incluso ameazar cun golpe de estado se eles non gañan as proximas eleccións xerais. Utiliza-lo terrorismo con fins políticos pra recuperar un poder que os españois lles arrebataron non é a mellor maneira de facer país. Pro craro os nacionalismos radicais fan calquera cousa pra chegar o poder.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto