Vieiros

Vieiros de meu Perfil


Edición xeral

RSS de Edición xeral
CAMBIO NA SECRETARÍA DE RELACIÓNS INSTITUCIONAIS

Touriño afirma que Losada abandonou o cargo por decisión propia

Segundo o presidente, o até agora número dous de Vicepresidencia decidiu renuciar por “motivos persoais”.

Redacción - 14:59 06/09/2007

Logo do Consello da Xunta, o presidente, Emilio Pérez Touriño, referiuse a substitución de Antón Losada como secretario xeral de Relacións Institucionais. Segundo Touriño, o vicepresidente Anxo Quintana aceptou o cesamento de que o propio Losada lle presentara a súa dimisión por motivos persoais.

Touriño non quixo comentar nada sobre o que será novo secretario xeral de Relacións Institucionais, Xavier Ferreira. O presidente simplemente matizou que Quintana ten todo o dereito a elixir a quen considere máis axeitado para o cargo.

Pola súa parte, o coordenador da executiva do BNG, Francisco Jorquera, corroborou as palabras de Touriño e asegurou que dentro da formación comprenden as razóns persoais da dimisión de Losada. Jorquera agradeceu o traballo do até agora secretario xeral e "os servizos prestados ao nacionalismo galego"

O PPdeG considérao "vítima da crise da Xunta"

Mentres o presidente do PPdeG, Alberto Núñez Feijoo, considerou que o de Antón Losada foi un cesamento e que se converte así na “primeira vítima da crise” na Xunta. Os conservadores cren que esta é unha forma de “saldar” as diferenzas entre socialistas e nacionalistas.


Ligazóns

4.17/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: