Edición xeral
Galiza xestionará o Parque das Illas Atlánticas dende o 1 de xaneiro de 2008
Os gobernos español e galego sentan as bases do acordo para transferir o parque nesta data, logo da xuntanza da Comisión Mixta entre as dúas delegacións de Medio Ambiente.
Tanto o secretario xeral para o Territorio e a Biodiversidade do Ministerio de Medio Ambiente, Antonio Serrano, coma o conselleiro de Medio Ambiente, Manuel Vázquez, confirmaron que sentaron as bases do acordo para que o Parque das Illas Atlánticas se poida transferir a Galiza o 1 de xaneiro de 2008.
Así o comunicaron na rolda de prensa organizada tras a reunión da Comisión Mixta do Parque Nacional Illas Atlánticas, este martes, onde tamén se abordou a incorporación da illa de Sálvora ao programa de funcionamento do parque.
Serrano afirmou que se trata de que Galiza "de xeito formal poida gozar da transferencia", e salientou a "boa colaboración" entre o ministerio e a consellaría.
Pola súa banda, Vázquez precisou que no acordo ambiental "está practicamente todo acordado" e adiantou que esta cuarta feira haberá unha reunión na que se perfilará o trámite administrativo. Neste senso, Serrano incidiu en que "falta o aspecto formal", porque o contido "está moi satisfactoriamente para os galegos".
Comentarios (2)
O governo espanhol vem de desmantelar o sistema de espaços naturais dependentes do ministério de méio-ambiente, que quase desaparece. Para que tal ministério criminoso que atenta contra a liberdade inmobiliária e a livre polução?
Não é nenhuma conquista, é uma putada, porque a Junta não possue os méios económicos para gestioná-lo. Ao ser uma gestão conjunta é de supôr que Espanha gestionará os benefícios e Galiza os gastos.
Catalunha dispõe desde há tempo da autogestão dos seus espaços naturais, mas com as competencias económicas que a nós não nos estão a dar. E abofé que lhe sacam um excelente benefício aos parques dos Pirinéus, ademais duma excelente conservacão.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto