Vieiros

Vieiros de meu Perfil


Edición xeral

RSS de Edición xeral
Estiveron cinco horas en comisaría

En liberdade "con cargos" os detidos por queimar a foto de El-Rei

A última hora deste xoves, os mozos quedaron libres. Con todo, impútaselles un delito de "inxurias á coroa".

Redacción - 09:00 07/12/2007

Segundo informaba o propio colectivo, pasadas as 20h da tarde do xoves, os catro militantes de Nós-UP detidos á fin da mobilización convocada por Causa Galiza, foron postos en liberdade, malia que acusados dun delito de "inxurias á coroa". Os catro independentistas, Santiago Mendes Rodrigues, Crístofer Machado Ibanhez, Carlos Pena Neto e Alexandre Bolívar Esteves, estiveron acompañados polo avogado da organización, Guilherme Presa, e negáronse a declarar.

Os manifestantes foran detidos pola queima dunha imaxe do xefe do Estado español, un boneco coa silueta do monarca Juan Carlos de Borbón, unha vez rematou o acto deste xoves en Vigo. Durante a permanencia dos catro mozos no interior da comisaría, NÓS-UP convocou unha concentración de protesta fronte á mesma.

A Policía cargou nun primeiro momento contra a concentración, provocándolles contusións a varias persoas, segundo informa o colectivo Ceivar. No entanto, as protestas continuaron con berros contra as Forzas de Seguridade do Estado e a prol da liberdade dos detidos.


3.93/5 (14 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: