Papá Noel reparte exames amañados para entrar na Deputación de Ourense
Militantes das Xuventudes Socialistas disfrázanse con caretas de Baltar para denunciar polas rúas o enchufismo no organismo provincial.
Militantes das Xuventudes Socialistas de Ourense percorreron esta fin de semana as rúas da cidade disfrazados de Papá Noel e con caretas do presidente da Deputación, Xosé Luís Baltar. Os mozos da organización socialista repartiron, a modo de protesta, exames de oposición coas respostas xa feitas e nos que, para entrar a traballar no ente provincial, só había que poñerlles o nome.
O secretario xeral das Xuventudes Socialistas de Ourense, Jonathan da Silva, explicou que “iso é o mesmo que fai Baltar, reparte postos de traballo entre os seus amigos sen ser necesario amosar os seus coñecementos nun exame, pasando por riba dos criterios de mérito, capacidade e igualdade”.
Os actos de protesta vanse repetir este luns 24 de decembro, ás 19 horas, diante do centro comercial Ponte Vella.
Comentarios (2)
Xa sabía eu que Papa Noel era do PSOE e os Reyes do PP.
Amigos de Vieiros, revisade as vosas caixas de correos, porque quero crer na boa fe. Hai uns meses recibistes algún email con información sobre o proceso selectivo que daquela desenvolvía o Consello da Cultura Galega, datos, nomes... Non era información confidencial, nada que non estéa en páxinas web públicas, pero si que había nomes e apelidos que cantaban, relacións laborais previas... Claro que nin Ramón Villares(Presidente) nin Henrique Monteagudo (Secretario) nin Xosé López (Vicepresidente) son do PP.
O digo, máis que nada, porque si neste caso é nova, imaxino eu que no outro tamén. E o feito de que nin tocárades o tema nin contestárades ó correo non deixa de resultar curioso.
Boas festas e a seguir velando polos principios de mérito, capacidade e igualdade. Por certo, o caso que vos comento aínda está no Tribunal Superior. Digo eu que o feito de que o admitiran a trámite algo significará.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto