Vieiros

A conselleira de Política Territorial, María Xosé Caride, presentou este venres, canda o presidente da Xunta, Emilio Pérez Touriño, o anteproxecto da Lei de Transporte Público. O Goberno quere que a longo prazo se duplique o números de vaixeiros nas diferentes liñas de transporte público. Entre as principais novidades está a creación dun ente de xestión dos camiños de ferro galegos. A entidade pública aplicará a política autonómica en materia de infraestruturas. Caride lembrou que Galiza ten competencia para crear este organismo e incluso sinalou que a Xunta estudará solicitar a transferencia de novos servizos e da titularidades dalgunhas vías.

Unha das novidades máis salientábeis é que a partir de agora todas as ampliacións de chans urbanizábeis, especialmente aqueles que afecten a complexos hospitalarios, polígonos industriais ou residenciais, terán que contemplar un plan metropolitano de transporte público e outro de coordinacións dos transportes. A lei tamén contempla a creación de consorcios metropolitanos de transporte, compostos pola Xunta e os concellos, que servirá para planificar as necesidades das áreas urbanas.