Vieiros

Vieiros de meu Perfil


Galego.org

Xestionado por Vieiros
RSS de Galego.org
Só o 8,9% do profesorado usa o noso idioma

Territorio galego? Fronteiras a traspasar pola lingua na UDC

"Este tamén é territorio galego: nas aulas fala o teu idioma". Con este lema convidan na Universidade da Coruña a potenciar a lingua dentro das aulas.

Redacción - 13:30 29/01/2008

Os últimos datos dos que dispón o Servizo de Normalización Lingüística da Universidade da Coruña, UDC, indican que apenas o 8,9% dos profesores e profesoras desta institución usan o galego para as súas clases. Por outro lado, só o 13,4% dos alumnos bota man do galego cando fai preguntas en voz alta nas aulas. Son exemplo de cifras que quedan lonxe da realidade do "emprego real" que se fai dela fóra do ámbito docente.

Por este motivo, a Universidade da Coruña deseñou unha campaña co obxectivo de "rachar esa fronteira lingüística" que aparecería ao cruzar a porta das aulas universitarias. A campaña foi presentada xa a semana pasada polo reitor da UDC, Xosé María Barja, acompañado polo secretario xeral, Xosé Manuel Carril, e mais polo director do Servizo de Normalización Lingüística, Xosé Ramón Freixeiro Mato. Adhesivos e cartaces coma o que acompañado dun aramado de espiñas contén o lema "Traspasa esta fronteira. Nas aulas tamén en galego", aparecen nas paredes dos centros da UDC desde esta semana.


5/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: