Vieiros

O Bloque sostén que o embaixador de Israel no Estado Español, Raphel Schutz, está a utilizar o holocausto nazi sobre o pobo xudeu como “unha coartada para xustificar evidentes atentados contra os dereitos humanos”, como os que teñen lugar en Gaza. Jorquera sinalou que é evidente que “o BNG está nas antípodas do nazismo e das teses negacionistas” . Por iso, considera que as duras críticas de Schutz están baseadas “na mentira e na manipulación”.

As críticas do embaixador israelí causaron un forte malestar no BNG e coidan que é unha “revancha” polo seu apoio a un Estado palestino. De feito, Jorquera sinalou que “quizais o emabaixador represente a un goberno que está acostumado a impoñer a súa posición a sangue e lume” pero dixo que isto non vai mudar o posicionamento do Bloque.