Vieiros

Era unha xornada decisiva en canto ás posíbeis tendencias marcadas á saída do recente Super Martes, e Barack Obama asoma con triunfador esta fin de semana na loita con Hillary Clinton pola candidatura do Partido Demócrata. Con 158 delegados en xogo en tres estados, Washington, Nebraska e Louisiana, o senador demócrata arrasou nos tres casos, con vitorias respectivas nas que chegou ao 67, 69 e 60 por cento do total dos votos.

Por outro lado, e malia a menor expectación creada no lado do Partido Republicano, onde John McCain semella estar ás portas da candidatura despois da retirada do principal rival, a xornada desta fin de semana trouxo dúas inesperadas derrotas para el. Así, Mike Huckabee acadou vitoria en Louisiana e en Kansas, apañando en cada un dos casos o total dos 20 e 36 delegados que estaban en xogo. McCain só triunfou en Washington, malia que o fixo por apenas unha presa de votos. Con todo, nesta altura leva sobre Huckabee unha ampla vantaxe de 500 delegados.

Recomendámoslles ampliar nos especiais de:

New York Times

CNN