Vieiros

Vieiros de meu Perfil


Edición xeral

RSS de Edición xeral
Citación do parlamento de Euskadi

Fraga insiste en que estaba de viaxe durante os sucesos do 76 en Gasteiz

Afirma que á súa volta contribuíu a "canalizar a situación". Achegamos dous vídeos coa gravación das conversas da Policía durante os incidentes.

Redacción - 13:30 14/02/2008

Primeira parte:



Segunda parte:



O senador do Partido Popular e ex presidente do Goberno, Manuel Fraga Iribarne, recordou esta cuarta feira que estaba de viaxe en Alemaña o día 3 de marzo de 1976 cando a Policía reprimiu brutalmente unha asemblea de traballadores en Gasteiz, co resultado de cinco mortos e multitude de feridos.

Ben ao contrario, Fraga -que ocupaba o cargo de ministro da Gobernación- afirmou que á súa volta contribuíu a "canalizar a situación". Por outra banda, non precisou se vai acudir ao parlamento vasco para informar sobre este suceso, tal e como lle reclamou a Comisión Especial desta Cámara encargada de investigar os sucesos, que tamén solicitou a presenza do daquelas ministro de Relacións Sindicais, Rodolfo Martín Villa.

Neste senso, Fraga precisou que no momento exacto dos feitos o Ministerio de Gobernación estaba a cargo de Adolfo Suárez "por Real Decreto" ao se atopar de viaxe. "Nos días sucesivos tomáronse outras medidas como a destitución do gobernador e non se produciron máis incidentes", subliñou o popular tras coñecer a petición do parlamento vasco.


3.6/5 (5 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: