Edición xeral
Cosova independente: todo ben?
Diversas reaccións dende diferentes ópticas para un feito histórico. Falamos con Carlos Taibo, Roberto Mansilla, Xosé Manuel Beiras e Dani Álvarez.
Carlos Taibo: "Cómpre cuestionar a teoría dos que pensan que a autodeterminación dos pobos non é posíbel porque conculca as leis dos Estados"
O profesor titular de Ciencia Política na Universidade Autónoma de Madrid, especializado entre outras cousas no conflito dos Balcáns, afirma que aínda que é certo que detrás da declaración de independencia de Cosova están os intereses de Estados Unidos, a secesión non se explica por si soa con este argumento. "EUA xa ten unha chea de países aliados na rexión, como Bulgaria, Romanía, Croacia, ... o que de verdade leva á independencia é o criterio dunha abraiante maioría", di.
Preguntado pola posibilidade de que, tal e como apuntan algúns expertos, Cosova se converta ou ben nun membro próspero da UE ou ben nun enclave da delincuencia organizada, Taibo considera que se producirá unha mestura das dúas cousas. Porén, afirma, "non se pode analizar Cosova como un singularismo afastado do resto" de países da zona. "Tamén Serbia conta con mafias", sinala.
Ao respecto das similitudes que poidan existir entre o nacemento do novo estado e os movementos autodeterministas catalán, vasco e galego, Taibo matiza, en primeiro lugar, que o de Cosova é un "proceso de independencia tutelada; non houbo autodeterminación, xa que non houbo consulta popular". "Cataluña, Euskadi e Galiza coido que miran máis cara ao caso de Quebec-Canadá, que cara a Cosova, que é un modelo de desintegración violenta e de medidas represivas".
Neste senso, salienta a declaración da voceira do goberno vasco ao respecto, quen afirmou que a independencia de Cosova supón unha "lección". Carlos Taibo considera "non demasiado afortunadas en parte" estas palabras, aínda que concorda no senso de que "cómpre cuestionar a teoría dos que pensan que autodeterminación dos pobos non é posíbel porque conculca as leis dos Estados, como ocorre, por poñer un exemplo, no caso de Israel e que impide a creación dun Estado palestino".
Xosé Manuel Beiras: "Se os pactos só valen cando lle convén á comunidade internacional, non sei porque non o podemos facer nós tamén"
O secretario de Alternativas Programáticas do BNG e membro da súa Executiva Nacional, Xosé Manuel Beiras, amosase crítico coa postura da comunidade internacional -"se é que existe ese ente", ironiza-, por aceptar sen prexuízos a declaración unilateral de independencia cosovar, namentres que "aquí nin sequera se pode facer nin unha reforma estatutaria porque se rompe non sei que".
"Se os pactos só valen cando lle convén á comunidade internacional, non sei porque non o podemos facer nós tamén", afirma Beiras. Ademais, rexeita falar de 'unilateralidade' neste caso, xa que Cosova contou "co apoio de Estados Unidos", que segundo el, estase a instalar no perímetro da antiga Unión Soviética e que xa axudou no seu momento a desestabilizar deliberadamente a rexión: "A confederación (iugoslava) rompeu grazas á dinamita que lle colocaron EUA e Alemaña".
Xosé Manuel Beiras analiza tamén en clave estatal a situación. "En 1995, pouco antes das eleccións que perdeu o PSOE, invitáronme a un curso de verán en El Escorial para falar de 'cuestións nacionais'; na mesma mesa de debate estaba entre outros Mariano Rajoy, quen preguntado por un rapaz da audiencia sobre a posibilidade de que se producise un plebiscito en Euskadi sobre a independencia, aprobado por unha ampla maioría, el como demócrata que era o acataría".
Dani Álvarez: "O goberno vasco aproveita Cosova para criticar tanto ao goberno español como á esquerda abertzale"
Dani Álvarez, xornalista de Radio Euskadi e habitual colaborador de Vieiros, recoñece que unha noticia como é a independencia de Cosova, "en época electoral, é un regalo para o goberno vasco". "O caso de Cosova preséntano como o exemplo de como se deben facer as cousas, para que sexa recoñecido o dereito a decidir", porque precisamente "isto é o que se demanda; mesmo dende a esquerda abertzale o que se pide é o dereito de autodeterminación, non a independencia".
Literalmente, segundo as palabras da portavoz, Miren Azkarate, o proceso de independencia cosovar é un exemplo de "resolver de forma pacífica e democrática conflitos de identidade e de pertenza". Ademais, sinala Dani Álvarez, "aproveita para botarllo en cara tanto ao goberno español como á esquerda abertzale".
Porén, non todos os socios de goberno, nomeadamente Ezker Batua, comparten esta visión, segundo o xornalista de Radio Euskadi. Así, este mesmo luns, o coordinador xeral da formación, Javier Madrazo, advertiu de que eles non queren a independencia.
O máis salientábel, no entanto, da actual situación política é que a declaración de independencia se producise unilateralmente, o que en opinión de Dani Álvarez "pon en evidencia ao goberno español". "A vista dende Euskadi está posta no modelo de proceso de Montenegro ou de Irlanda do Norte", conclúe.
Roberto Mansilla: "Queda por ver se a independencia é o fin último de Cosova, e non a formación dunha gran Albania"
Mansilla, licenciado en Ciencia Política pola Universidade Central de Venezuela e analista do Instituto Galego de Análise e Documentación Internacional (IGADI), considera que Serbia "asumira xa hai tempo a independencia de Cosova". "O obxectivo agora é asegurar a estabilidade da minoría serbia", di.
"Tanto Estados Unidos como a Unión Europea -aínda que esta non votou completamente a favor- son partidarios á creación dun estado favorábel aos intereses occidentais", reflexiona Roberto Mansilla, que afirma ademais que, "aínda que non se pode desdeñar, ou cualificar de artificial", o seu nacemento fíxose con "demasiada celeridade" e "aprobado unilateralmente".
Respecto ao futuro do novo estado, Mansilla cuestiónase a situación a medio ou longo prazo: "Queda por ver se a independencia é o fin último de Cosova, e non a formación dunha gran Albania". "Cómpre lembrar que o actual primeiro ministro, Hashim Thaci, liderou o Exército de Liberación de Cosova (UÇK)", unha organización albanesa. De calquera xeito, o que si está claro é que "fica sepultado o gran estado iugoslavo", di.
Critica tamén da dobre vara de medir á hora de aceptar a promulgación unilateral por parte dos países de Occidente: "Alá nos Balcáns si, porque hai unha ocupación militar legalizada, porque houbo unha guerra -ilegal- que non foi votada polo Consello de Seguridade da ONU ...?".
Comentarios (22)
A verdade e que os Kosovares teñen moi merecida a independencia, sufriron moito para conseguila. Tal vez por iso nos aínda non a temos, pois como pobo levamos sendo bastante "conachos" dende o final da ditadura.
Hoxe en día ata o noso partido nacionalista por excelencia, di non ser independentista, coido que ou cambian as cousas ou viviremos un negro futuro
Independencia para Galiza? Crees ti que iso é o que quere a meirande parte da sociedade galega? Dende logo se o PP se segue radicalizando e algún día chega a gobernar, isa posibilidade poderíase contemplar por parte da nosa sociedade.
Temos que loitar por ese dereito, pero coido que aínda non chegou ise momento. Se España segue sendo cada día máis unha representación do cañí, e todo o que non estea nese marco é extranxeiro, este país reclamará os seus dereitos.
Como mínimo temos que ter un recoñecemento nacional coma o que ten Escocia.
A independencia conqueríuna o Imperialismo, NON FOI KOSOVA NIN AS/OS KOSOVARES, ponteados no seu exercicio do DEREITO DE LIBRE DETERMINACIÓN por un parlamentiño elixido ó xeito: por si lles saía unha votación incorrecta (como a palestiniana) e mal, tomaron o atallo de lle tirar a SOBERANÍA Ó POBO KOSOVAR e exercer no seu nome, mais CONTRA de ele.
Máis que independencia, trátase da imposición da SECESIÓN por orde do Imperialismo: birlóuselle o dereito de Autodeterminación á población kosovar.
Ben moi ó caso semellantes situacións con Catalunya e Euskal Herria -a posición do PNB é alucinante e non sei moito da abertzale, mais témome un certo mimetismo- históricamente por parte da CIA e dos ingleses.
Estáse a dar ante nós un interesantísimo proceso histórico da manipulación do Imperialismo na criación de PAÍSES SATÉLITES e MANEXABLES.
O proceso está ben documentado nun, ó meu entender, imprescindible texto en S. XXI, de Joan Garcés "Soberanos e intervidos: os casos de Chile, Portugal e Spagne".
Si foi Kosovo quen conseguiu a pulso a súa liberdade. Tal vez agora empezen sendo un país salelite dos EEUU pero lo polo menos teran un goberno que os defenda das continuas agresións servias. Kosovo independizouse ao igual que o fixo Cuba no seu momento, tras usar as armas e coa axuda dos americanos, agora ambos son paises soberanos.
Poida que só unha minoritaria parte da poboación galega desexe ser actualmente independente. Pero persoalmente non me quedaría satifesfeito se únicamente pasase a ter un DNI no que puxera galego. Por que non aspiramos a formar parte da UE como pais e non como autonomía? Por que nos conformamos con migas, podendo recuperar a bola enteira do pan?
Taibo: as mafias serbias influen fóra de Serbia? As kosovares?
Se mañan Coruña decide separase de Galiza porque si...?
Por que ninguén fala de Albin Kurti, no cárcere en Kosovo -igual ca en Serbia- por pedir a autodeterminación con referendo, o peche da base americana e sobre todo, a fin da ocupación militar???????
Por que Vieiros non contactou con ningùn dos 4 galegos que viven en Serbia?
Por que hai tanto sensacionalismo no xeito que Vieiros levou as informaciòns sobre Kosovo, sen citar as fontes, e carentes de obxectividade informativa???
Por que os radicais serbios berraban hoxe "imos esterminar os kosovares"?
Por que no seu dia os serbios mataron a milleiros de kosovares?
Por que os serbios só reciben apoio de Rusia, España, Suecia Chipre?
Por que tratades de ocultar a verdade lanzando interrogantes?
Por que Franco era antigaleguista sendo galego?
Por que a non dicides que opinen o que opinen eses catro galegos de Serbia, Kosovo xa é independente?
Por que é necesaria a presenza de tropas extranxeiras en Kosovo?
Por que se ata hai dous días non existia carceres que dependeran só de Kosovo... como é posibel que detiveral a un serbio polas súas ideas?(mataría a alguén, sería violento?)
Por que me da que non has de responder a nengunha das miñas preguntas?
Por que penso que no fondo estarías en contra da independenza de Galiza?
Por que eu non me oporía a independenza de Coruña, se así o deciden os coruñeses?
...
A independência da Cosova não é para tirar foguetes.
É positivo que lhe fosse reconhecida, porque é o desejo e do seu povo e porque põe de novo em primeiro plano o debate sobre a AUTODETERMINAÇÃO DOS POVOS, e fica bem clarinho que a comunidade internacional a reconhece. É também interessante a pergunta do Putin "Se Espanha reconhece a independência de Cosova porquê não a de Euskadi?" No reininho bourbónico rapidamente cambiaram de postura....gentinha!
O negativo é que a independência não passa de formal, a Cosova passa a ser um protectorado ianqui-europeu, uma imensa base militar, um estado no que o próprio povo não é soberano, e com um neoliberalismo a colhões que vá melhorar a uns poucos e empobrecer aos mais.
Realmente esta é uma pre-independência. A independência real será quando conseguirem independizar-se dos ianquis, algo que pode ser um caminho sem saida.
PD: Bardo-do-vinho, não quero desviar o debate a temas linguísticos, mas o de "independenza" fai dano nos olhos. Se escreves com as normas ILG é "independencia", com a AGAL é "independência". O cristo que tendes montado agora os isolacionistas com a nova normativa vem pola característica falta de rigor e desconhecimento da etimologia. Do TUDO em "-encia, -ancia" passastes ao NADA. No galego temos crença, fervença, diferença, doença,.... mas também independência, abstinência, agência, aderência, advertência...
Isto demostra que cando se fala de independencia. Depende de onde se propoña e quen o propón. Moito máis, se esta petición nacese ou manifestada durante a dominación soviética. Moitos dos “defensores” da independencia da nosa Galiza ou do país Vasco non dirían esta boca é miña.
Xa que o certo é, que ao porse en evidencia a vocación totalitaria tanto da ultraizquierda como a ultraderecha. Sobran os que reivindican a independencia dun pobo como bandeira política e non son para nada interlocutores dun autentico sentimento popular.
Xa ven os intereses. Se, os intereses de todas as potencias que poderían sacarlle proveito a este proceso independentista.
Cando un ve certos comentarios, ve que para moitos intelectuais, xornalistas e medios. O fin xustifica os medios. Non importa que un país poida ser gobernado por un faccioso e criminal golpista, que utilice o diñeiro do seu pobo para afianzarse no poder e non teña o menor escrúpulo para esmagar á disidencia. Pero iso si. Se se declara socialista e apoia a organizacións, xornalistas e intelectuais que comulgan co ideario socialista. De inmediato hai que mirar para outro lado e porse a escoitar música e xustificar o inxustificable. O mellor exemplo podémolo ver en Venezuela, onde se atopa a segunda comunidade galega en America Latina. E Vieiros? Parece que nin se decata.
Cando se decataran que o sentimento de nación non ten cor política.
Estou muito alegre que o direito de autodeterminaçom funcione
Viva Kosovo independente, viva o povo albanês.
Para quando a Galiza se autodermina. A Galiza estado já
Esses "nacionalistas" galegos que nom gostam do kosovo independente de verdade querem a autodeterminaçom para a Galiza?
parabens ao povo albanês
Oxalá nos puderamos ser um protectorado USA-Alemam-Inglês frente aos espanhóis, os sérvios peninsulares.
Entre o chauvisnimo sérvio e o chauvinismo espanhol nom há grande distância, pavor metem os cipaios galegos, perdom ragóis galegos, necessitamos a autodeterminaçom
Falar de "cantos albanokosovares matarons os serbios" é coma preguntarse cantas bandas albanokosovares operan na península... Non creo que os serbios teñan un xenoma cheo de carraxe.
A mín paréceme unha secesión feita a prisa, con intereses escuros e que seguramente non é o mellor para a zona, pero iso saberémolo co tempo.
O que me parece triste é que Europa esté nunha fase de división continua. Semella que non saibamos convivir uns con outros sen necesidade de separarnos e levantar novas fronteiras promovidas polos EUA.
Bardo do vinho:
Por que os radicais serbios berraban hoxe "imos esterminar os kosovares"?
Non, se soubeses serbio -que non sabes- saberìas o que dixeron. Iso foi o que dixeron nun telexornal dunha televisiòn español. Voute decepcionar: non dìcian exterminar -se soubeses serbio, saberías perfectamente por què non dician exterminar.
Ademais, onde o dìcian, en Belgrado ou en K. Mitrovica.
Os albaneses en K. Mitrovica tampouco se quedaban atrás. Sabes albanés? Tampouco. Eu sei os dous e sei do que falo.
Por que no seu dia os serbios mataron a milleiros de kosovares?
Certo, entre o 95 e o 99 os serbios cometeron xenocidio. Os albanokosovares fixeron o propio no 42-45 durante a ocupaciòn italiana e no 2004. Fai iso peores/mellores algunha das partes?
Por que os serbios só reciben apoio de Rusia, España, Suecia Chipre?
Eslovaquia, Grecia, Romananìa, Israel... e BOSNIA HERCEGOVINA o grande inimigo de Serbia.... por que serà?
Por que tratades de ocultar a verdade lanzando interrogantes?
Non, eu respondo aos teus interrogantes porque SEI do que falo xa que coñezo serbios e albaneses e SEI que non é todo blanco e negro.
Por que Franco era antigaleguista sendo galego?
Franco naceu en Galicia... xa por iso es galego???
Por que a non dicides que opinen o que opinen eses catro galegos de Serbia, Kosovo xa é independente?
De facto ou de iure? Se Serbia, como dis ti, ten culpa de todo, eles poderán sondear as cousas. Infelizmente, galegos en Kosovo sò hai gardas civís e lexionarios....
Por que é necesaria a presenza de tropas extranxeiras en Kosovo?
Para evitar que haxa unha matanza de serbios como no 2004....
Por que se ata hai dous días non existia carceres que dependeran só de Kosovo... como é posibel que detiveral a un serbio polas súas ideas?(mataría a alguén, sería violento?)
Non, iso non è certo. En Kosovo, o sistema penal depende de autoridade internacional, porén para os presos políticos, está determinado un rexime de arresto domiciliario.
Por que me da que non has de responder a nengunha das miñas preguntas?
Upps, non vales como vidente.
Por que penso que no fondo estarías en contra da independenza de Galiza?
Por que eu non me oporía a independenza de Coruña, se así o deciden os coruñeses?
...
Non, non estou en contra da independencia de Galiza, pero non somos un PAIS como Macedonia ou Eslovenia, NON unha provincia. Algo de historia deberías estudar...
Xa, xa, oponte entòn a que o galego non sexa oficiala na cidade d`a coruña... aprol están votantes do PP e do PSOE.... estás certo do que dis????
cando os galegos tivemos que emigrar a Euskadi para traballar nas minas e na siderurxia, se chegáramos a ser maioría: ¿poderiamos pedir a independencia de Barakaldo ou Eibar? estou a favor da autodeterminación dos países, non da creación de estados artificias a partires de provincias para servir de vasalos do imperialismo de turno.
Non me chista a independencia-protectorado de Kosova, non me chista que o pobo non puidese decidir, nin que se faga unilateralmente e maiormente seguindo os intereses occidentais contra a legalidade internacional, tampouco me chista que naza un estado soberano dependente en todo, e que xurda cos antecedentes que todos coñecemos, nin tampouco me chista que os albaneses queiran conquistar o Mundo a base de ter fillos, nin que USA teña un aliado incondicional máis.... pero tampouco é que houbesen moitas máis alternativas.
Ai Serbia Serbia, ljubim te! (espero que tamén se diga así en serbio), encántame ler as tuas opinións.
Non coido que a situación de Cosova sexa igual á doutras nacións europeas, entre elas Galiza. Castelao non quería a independencia senón a creación da Confederación Ibérica, onde todas as nacións ibéricas tivesen igualdade e non o predominio dunha soamente (Castela/España) como agora. Coido sinceramente que a independencia debe ser o derradeiro recurso para defender a identidade galega e o seu benestar, mais tamén que o pobo galego, coma calquera outro, é soberano para elixir o seu lugar no mundo. hai moita hipocrisía nas "democracias" occidentais.
El_Pastorr:
Ako vesh sloveneski, ljubim te ja po srpski volim te.
Ako znas hrvatski, jeste, hvala na poljubac!
Hvala, hvala draga serbia, jijijijiji.
Numha entrevista a Castelao no diario La Nación o 17 de Junho de 1948, perguntavam-lhe se queria a independência da Galiza, e ele explicava que estava por uma uniom dos povos ibéricos em pe de igualdade, mas que se isso nom for possível, que a Galiza se deveria constituir em estado, ela só ou federada com Portugal.
O jornalista seguia dizendo e se a todos lhe da por separar-se, se sevilha ou murcia se constituirem em estados, que pensava?
E ele disse. Bom se a espanha se desintegrar e os espanhóis no território da espanha formar uma duzia ou vinte de estados, pois que cada um fai da sua capa um saio, a ele isso nom lhe precocupar, nem tinha que ser problema nenhum para a Galiza que isso se produzir, nem seria quemn a criticar o que fazer outros povos.
(cartas, entrevistas e textos de castelao publicadas em castelhano pola federaçom de sociedades galegas de Bonsares 1956)
O mundo é moi complexo e está nunha continua revisión. Estanse a dar procesos a unha velocidade cada vez maior. Estamos a conformar a grande aldea global e a intereactuar e influir nos procesos de outros e viceversa por que neste século resulta posible e non moi dificil. Cada estado propon normas internas e internacionais en función de convenencias. Así pode ocurrir que e o que vale para outros non vale para min e viceversa.
A configuración dos actuais estados tén pouco que ver con procesos democráticos. Por ese motivo hai moito que preguntar aos cidadáns do mundo sobre a sua vontade de seguir a pertenecer ao estado no que se atopan. Ese sería un camiño democrático de constitución de estados. E se os de Larouco de Abaixo queren ser independentes¿Por qué non?.
Evidentemente os estados son reacios a facer este tipo de consultas polo que moitos tratan de conseguila indepencia de calquera maneira, aliandose co demo se fai falta.¿ Fai esto que non sexa unha independencia legal ou desexable?. Eu non vin ningunha manifestación ou reación contraria á independencia por parte dos cidadáns cosovares. Eu a eso chamolle vontade popular que, en definitiva, debe ser o que conte no proceso. Non vexo eu que en España se leven os procedementos con moita mais democracia ou legalidae cando se meten no carcere a membros de partidos independentistas ou estudantes por berrar na universidade. Tamén querían encarcelar a Ibarrxte por propoñer un referendo en Euskadi. Menuda democracia.
Falouse moito nestes foros da independencia de Kosova. Moitos criticábana porque dicían que os serbios estaban alí antes, e non sei que. A orixe dos povos eslavos esta ao norde dos Cárpatos. Quen había antes dos serbios en Kosova? Probablemente ilirios, os antepasados dos albaneses. De todos xeitos, a historiografía serbia e a albanesa non coinciden: cada un barre para casa.
Porén, poñámonos no caso de que os serbios estivesen alí antes, o cal, xa vos digo, é algo moi discutíbel.
Lembremos o sucedido en Kosova: os serbios cometeron un xenocidio. Gravísimo. E iso non lles da dereito a reclamar ren, é cuestión de xustiza. Tamén Alemaña cometeu un xenocidio contra o pobo xudeu (e non só) e perdeu territorios logo da guerra. Porque lembremos que alemanes étnicos hainos en Polonia, e non por iso os alemáns andan a pedir a anexión deses territorios que perderon.
Agora os serbios andan a reclamar Kosova. Pero o certo é que os serbios perderon calquera dereito que puidesen ter sobre Kosova dende o momento en que tentaron aniquilar á poboación albanesa.
Por certo, que moitos dos que defendedes que Kosova é Serbia, á vez non queredes o estado de Israel. E os xudeus estaban alí antes ca os árabes.
Pero non claro, como Kosova é apoiada polos EEUU, xa pasa á lista negra. Xa quixera eu unha independencia con EEUU coma garante das miñas fronteiras!!
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto