Vieiros

Pouco despois de reunirse co ministro ruso de Exteriores e malia a vontade expresa da diplomacia rusa de promover unha conferencia de paz sobre Oriente Medio, o primeiro ministro israelí, Ehud Olmert, expresou a súa convicción de que no momento actual "non hai razón" para outra conferencia de paz.

Mentres, esta fin de semana producíase o encontro do vicepresidente dos Estados Unidos, Dick Cheney, co presidente palestino, Mahmoud Abbas, e co primeiro ministro, Salam Faiad. Logo da xuntanza, Cheney dixo agardar "o día en que un estado palestino independente, viábel, democrátivo e pacífico sexa realidade". Ao respecto, o segundo da Casa Branca agoirou "tremendos esforzos na mesa de negociacións e dolorosas concesións das dúas partes".