Vieiros

A UGC-Galicia fixo público un comunicado este luns no que mostra a súa preocupación pola posibilidade de que algúns axentes teñan ordes de identificar vehículos que porten o adhesivo GZ. Este colectivo asegura non ter constancia algunha de que existan estas directrices.

Porén, dende a UGC consideran que de probarse estes feitos, estariamos diante dun grave episodio que evidenciaría a necesidade da “reeducación en certos mandos da Garda Civil”. Sosteñen que unha orde como esta demostra un total descoñecemento da realidade galega: “O uso das siglas GZ está xeralizado. En case todas as familias as porta algún membro, até gardas civís”.

Esta asociación de gardas civís sostén que “pretender criminalizar o uso destes distintivos é unha aberración propia de ignorantes”. A UGC-Galicia sinala que nunca se prestará a colaborar en investigacións que se rexan por estes parámetros e piden que a propia Garda Civil investigue se houbo este tipo de condutas internas.

• Anterior: A Garda Civil collerá datos dos coches que leven o distintivo GZ