Vieiros

Vieiros de meu Perfil


Edición xeral

RSS de Edición xeral
Tensos enfrontamentos nas rúas

"A situación máis grave" no Líbano desde a fin da guerra civil

A ONU advertiu este xoves da polvoreira libanesa no medio dun baleiro administrativo. Mentres, Hesbulá acusa o goberno de declararlle a guerra.

Redacción - 09:00 09/05/2008

"Os libaneses teñen unha oportunidade única de comezar un capítulo novo na súa complicada historia", afirmaba este xoves Terje Roed-Larsen, coordinador das Nacións Unidas para o Proceso de Paz en Oriente Medio. Roed-Larsen advertiu da grave situación que está vivindo o país agora mesmo e dos perigos que para a fráxil estabilidade de toda a rexión pode ter o que aló aconteza.

O representante da ONU dixo agardar que unha vez se complete a escolla dun novo presidente, poida seguir o camiño para "a reafirmación da soberanía do Líbano, da súa integridade territorial, unidade e independencia política". "A ONU é consciente de que o Líbano está sendo campo de batalla dos que buscan desestabilizar a rexión no seu propio beneficio", advertiu ao respecto. Larsen cualificou a delicada situación actual como a máis grave desde que rematou a guerra civil nos anos 80.

Nas últimas horas, o escenario de confrontación seguiu medrando, e nas rúas houbo enfrontamentos violentos entre os que apoian o actual goberno e os partidarios da oposición liderada por Hesbulá. O cruce de tiros na capital, Beirut, deixou cando menos media ducia de mortos nas últimas horas.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: