Vieiros

Vieiros de meu Perfil


Lusofonía

Xestionado por Vieiros
RSS de Lusofonía
A POLICÍA INVESTIGA OS FEITOS

Disparan seis veces contra un pavillón de onde José Sócrates saíra media hora antes

Dúas das balas, que procedían dunha pistola, bateron na cuberta do recinto onde o primeiro ministro portugués se reunira con centos de simpatizantes do PS.

Redacción - 11:30 28/06/2008

Os medios de comunicación lusos recollen este sábado nas súas portadas un incidente que, aínda que non pasou a maiores, está a provocar unha gran preocupación. Os feitos producíronse este venres cando o primeiro ministro, José Sócrates, acudiu ao pavillón Arena, en Portimão, a un encontro con simpatizantes do Partido Socialista. Un descoñecido fixo polo menos seis disparos, hai versións que falan de sete detonacións, cunha pistola contra o recinto dende unha distancia de 130 metros. Dous dos proxectís foron parar á cuberta do recinto.

Segundo fontes gubernamentais, o primeiro ministro non correu risco xa que tiña abandonado o lugar, onde aínda quedaban centos de persoas, media hora antes dos feitos. Aínda así, numerosos axentes da Policia Judiciaria traballaban este sábado para intentar desvelar o que ocorreu e quen está detrás do atentado.

Polo de agora, confirmouse que a pistola que usou o autor ou autores dos feitos é do calibre 7.65, un tipo de armas que empregan habitualmente os membros das forzas de seguridade portuguesa.


3/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: