Edición xeral
"Adeus do maior contaminador do planeta", chancea Bush na despedida do G8
O 80% dos gases de efecto invernadoiro proceden dos países aló reunidos, láianse os ecoloxistas.
Da broma privada que o presidente dos Estados Unidos, George W.Bush, realizou cando se despedía dos outros líderes do G8, conta este xoves o diario británico The Independent. Despois de bloquear acordos máis ambiciosos e de conceder a posibilidade de estudar a redución á metade das emisións de carbono non antes do ano 2050, Bush despedíase cun "adeus" desde o "maior contaminador do mundo".
Remata así unha xuntanza onde o goberno anfitrión, o de Xapón, pretendía que se fixesen avances importantes en materia medioambiental no compromiso dos países máis ricos do planeta. Tal e como recordaban esta semana desde Ecoloxistas en Acción, as oito potencias aló reunidas son responsábeis do 80% dos gases de efecto invernadoiro liberados no mundo. Ao tempo, ademais de incumprir cos obxectivos do Protocolo de Quioto, estes países caracterízanse polas cambadelas continuas á posta en marcha dos compromisos ambientais. "Este cumio pecha con grandes promesas baleiras", láianse desde Ecoloxistas en Acción, criticando que o prazo do 50% de redución cara a 2050, "non ten credibilidade" toda vez que non se acompaña nin de prazos intermedios de recorte de emisións nin de políticas concretas.
Comentarios (7)
Pouco poder ten o público e o voto fronte ás corporacións trasnacionais e o capital...
Tería sido máis relevante o feito dunha muller presidenta que o bluf demagogo dun afroamericano en proceso de descafeinamento. Change. We can believe in!...unha merda!
#2 De mulheres de ferro a dirigirem potências do primeiro mundo já sabemos algo... A Tatcher no Reino Unido, a Merkel na Alemanha... Achas que a Clinton nos USA seria diferente? Ademais, o Obama só é candidato, ainda não chegou a presidir nada. Não ponhamos o carro diante dos bois ;)
Devemos ser justos e olhar também para a faceta ecologicamente positiva de Bush; enriqueceu a biosfera com toneladas de matéria orgánica; fertilizou a Terra com muitos milhares de cadáveres.
O deste tipo e os seus colegas non ten nome.
Dende logo agardar que calquera solución ao cambio climático, a crise mundial, á pobreza e as demás eivas que padecemos veñan destes dirixentes insensibles e depredadores é estar cego.
Só unha loita consecuente dos traballadores, dos oprimidos, do terceiro mundo, dos ecoloxistas, das mulleres, dos xóvenes... pode cambiar este camiño cara ao desastre. Ver máis en:
amoscaesquerdosa.blogspot.com
Os postos son quenes marcan, representan, o papel que teñen a desenvolver. Dá o mesmo a persoa que o ocupe, XA TODO O LEVA PAUTADO, todo o básico e de interese para o SISTEMA.
Outra cousa é na periferia das decisións, sempre teñen unha marxe para o toque de grupo a quen agradecer. Dá o mesmo sexa muller ou home. Entre aquelas, esquecédevos da segunda do terrorista Reagan, que logo fora embaixadora na ONU (menuda!, non menor que calquera home, bush ou bicho que fora)
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto