Edición xeral
McCain elixe a gobernadora de Alaska como candidata a vicepresidenta
A elección de Sarah Palin supón unha sorpresa xa que un dos principais favoritos era Joe Lieberman, candidato con Al Gore en 2000.
O aspirante republicano á Casa Branca, John McCain, elixiu este venres a gobernadora de Alaska, Sarah Palin, como candidata á Vicepresidencia do goberno de Estados Unidos nas eleccións do 4 de novembro, segundo adiantou a cadea de televisión CNN.
Palin, de 44 anos e gobernadora dende 2006, é unha descoñecida na area política nacional. Convértese deste xeito na segunda muller en alcanzar a candidatura á Vicepresidencia de EUA logo da demócrata Geraldine Ferraro en 1984.
A elección de Palin supón unha sorpresa xa que todo apuntaba a que McCain e o seu equipo se decantasen polo senador independente Joe Lieberman (candidato á Vicepresidencia co demócrata Al Gore en 2000), o gobernador de Minnesotta, Tim Pawlenty (que este mesmo venres se descartou) ou o ex gobernador de Massachusetts Mitt Romney.
Novas relacionadas
Comentarios (1)
Agora que a Convención Republicana está rematando, destacaría a forte represión a que foron sometidos os medios de comunicación alternativos. A policía e o alcalde pretenderon asentar a doutrina de que a liberdade de expresión é un dereito exclusivo dos seus aliados nos medios de comunicación dominantes. Mentres a nova xeración de medios alternativos, moi activos grazas a Internet, foron tratados como auténticos criminais.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
GZ-Sete
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto