Edición xeral
Haití: Despois do 'Hanna', máis morte e miseria
A policía haitiana atopou xa perto de cincocentos corpos sen vida. Máis de 600 mil persoas non poden acceder a auga potábel e a alimentos.
A tormenta tropical 'Hanna' provocou o caos no norte de Haití. As autoridades do que está considerado o país máis pobre de toda a América, recoñeceron este sábado que as consecuencias do 'Hanna' foron dramáticas. A policía atopou perto de cincocentos cadáveres na cidade de Gonaives, especialmente afectada polas inundacións. Porén, os propios axentes recoñecen que a cifra pode aumentar nas vindeiras horas, xa que está a baixar o nivel da auga que nalgunhas zonas acadou os cinco metros de profundidade.
O goberno haitiano non é quen de facerlle fronte á situación. Polo de agora, a ONU xa adiantou que prepara un plan de emerxencia para atender ás 600 mil persoas que levan catro días sen auga potábel nin alimentos.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto