Edición xeral
Arxentina suprime o sistema privado de pensións
"Volve o Estado", defende a presidenta Cristina Fernández, quen denuncia ademais que a xubilación privada foi no país "unha política de saqueo".
"Creo que é obvio o contexto nacional e internacional no que se adopta esta medida", explicaba a presidenta de Arxentina este martes, "hoxe no mundo, cando vemos que aparecen as perdas, volve a figura do Estado". Cristina Fernández de Kirchner falaba así das motivacións do proxecto de lei co que o Estado bota man dos fondos privados de xubilacións, indicando que se trata dunha iniciativa "necesaria" para facerlle fronte ao impacto negativo da crise financeira global sobre as pensións.
Na actualidade, até 9,5 millóns de traballadores arxentinos están acollidos ás chamadas Administradoras de Fondos de Xubilacións e Pensións (AFXP, que inviste os cartos dos cidadáns en accións e depósitos diversos. O goberno detectara nos últimos meses un elevado nivel de perdas acumuladas, agoirando un futuro colapso do sistema.
Deste xeito, os beneficiarios deste sistema privado pasarán ao público, que suma arredor de 4,5 millóns de afiliados. Segundo Fernández de Kirchner, con este paso "estratéxico e solidario" váiselle poñer fin a unha herdanza das "políticas de saqueo" que zouparon no país na década anterior.
Para ampliar:
- Clarín: Cristina defendeu con forza a reestatización e negou que fose por "caixa"
- Página 12: A xubilación privada foi unha política de saqueo
Comentarios (2)
Os fondos de pensións é unha das grandes bazas do sistema capitalista, permitido e mesmo imposto polos sindicatos maioritarios, nos convenio coas grandes empresas, a cambeo da participación nos consellos da banca para manter o paripé. O sistema público de pensións é o unico que garante as xubilacións e nestas circunstancias Arxentina actúa é suprime o sistema privado para garantir, polo menos os cartos depositados nos distintos bancos.
Daba noxo escoitar hoxe no telediario español as críticas á decisión da presidenta arxentina de estatizar o nefasto sistema de pensións privadas creadas nos noventa polo ultraliberal Menem e seu ministro de economía,Cavallo.Trataban á decisión de Cristina Fernández de tercermundista cando ven como o primeiro mundo (EE.UU,Gran Bretaña,Alemaña)estatiza cada vez máis bancos.No telediario da canle do agora gobernante Zapatero que pide por favor de estar a carón do agora ¨estatizador¨ Bush no cumio dos oito.Moita pero moita hipocresía no primeiro,no segundo e no terceiro mundo.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto