Vieiros

Vieiros de meu Perfil


Edición xeral

RSS de Edición xeral
ANIVERSARIO

EZLN: Un cuarto de século de loita pola dignidade indíxena

Un 17 de novembro de 1983 cinco homes e unha muller fundaban na Selva de Lacandona (México) o que sería o xermolo do movemento político.

Redacción - 09:30 22/11/2008
Subcomandante Marcos

Subcomandante Marcos

Esta semana pasou practicamente desapercibido unha efeméride crucial para a historia recente de América Latina. Hai 25 anos (un 17 de novembro de 1983) nacía na Selva de Lacandona (Chiapas) o Exército Zapatista de Liberación Nacional (EZLN).

Naquela data, cinco homes e unha muller constituían unha “célula político-militar” que sería o xermolo do EZLN. Pouco despois fundarían na selva de Chiapas o primeiro campamento zapatista, ao que lle chamarían “O Pesadelo”. Dous anos despois, aquel pequeno grupo de homes e mulleres comezou o primeiros contactos cos pobos da zona.

Mais sería a finais 1993 cando o nome de EZLN daría a volta ao mundo. Entre o 29 e o 31 de decembro, os guerrilleiros atacaron simultaneamente catro capitais de concello e lograron reducir os cuarteis de policías e militares que había nos mesmos. Encabezados polo subcomandante Marcos, as comunidades indíxenas saltaban ás primeiras planas dos medios reclamando a dignidade que lles fora negada ao longo de cinco séculos.


5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: