Edición xeral
Quintana pacta coa UPG unhas listas que deixan fóra os críticos
O partido que dirixe Francisco Rodríguez mostra a súa hexemonía ao situar dous militantes como cabeza de cartel e outros tres en segundos postos.
Tal e como se agardaba, as dúas grandes liñas políticas do BNG (a UPG e o denominado “quintanismo”) coparán as listas ao Parlamento. A Executiva Nacional aprobou este sábado uns nomes que deberán referendar agora as asembleas comarcais (onde non se agardan cambios). Nas candidaturas destaca a presenza de cargos do Goberno (todos os conselleiros agás a de Cultura, Ánxela Bugallo) e unha medida distribución territorial.
A UPG mostra internamente a súa musculatura. O partido que dirixe Francisco Rodríguez sitúa dous cabezas de lista (Fernando Blanco e Suárez Canal) e posiciona outros tres militantes en segundos postos (Ana Pontón, Henrique Viéitez e Tareixa Paz). Unha análise en clave interna de todas as candidaturas mostra unha lixeira vantaxe da UPG sobre o denominado “quintanismo” (un conglomerado que engloba organizacións autónomas como o PNG-PG, Inzar e o Espazo Socialista Galego).
Pola súa parte, os denominados sectores críticos (Encontro Irmandiño e Movemento pola Base) fican completamente excluídos das listas. A corrente liderada por Xosé Manuel Beiras propuxo oito nomes (ligados a unha proposta programática de mínimos) que finalmente non foron aceptados internamente.
A Coruña
O líder do BNG, Anxo Quintana, encabezará a circunscrición coruñesa. Na lista proposta pola Executiva figuran logo, por esta orde: Ana Pontón (Compostela); Carlos Aymerich (A Coruña); Ana Luísa Bouza (A Coruña); Fernando Blanco Parga (Ferrolterra); Pura Ferreño Fraga (Betanzos); Manuel Antelo Pazos (Terra de Soneira); Dominga Brión (Barbanza); Xosé Regueira Varela (Bergantiños); Charo Fernández Velho (Ordes); Manuel González López (Muros-Noia); Anabel Ramos Rúa (Arzúa-Melide); Armando Carril Casanova (Arzúa-Melide); Xulia Guntín (Compostela); David Pena Díaz (A Coruña); Rita Couto Seixido (Fene); Iago Varela Martínez (Ferrolterra); Ana Vérez Gómez (Ferrol); Ramón Veras Castro (A Coruña), Dores Torrado Ares (Boiro); Óscar Ínsua (Corcubión); Ánxela Franco (Porto do Son); Mercedes Vidal Baamonde (Ames) e Pablo González Mariñas (A Coruña) .
Pontevedra
A conselleira de Vivenda, Teresa Táboas (quintanista), lidera a lista por Pontevedra. A continuación figuran os seguintes nomes: Henrique Viéitez Alonso (Vigo); Carme Adán (Vigo); Bieito Lobeira (Marín); Carme Dasilva (Pontevedra); Xosé Ramón Paz Antón ( O Condando); Montse Prado Cores (O Salnés); Roberto Mera (O Condado); Iria Aboi (O Morrazo); Xosé Manuel Méndez Díaz (Baixo Miño); Susana Rodríguez Cambón (Deza); Roberto Fernández Lores ( O Salnés); Margarida Caldas Moreira (Pontevedra); Xosé Manuel Martínez Ollea (Mos); Marta Dacosta Alonso (Vigo); Uxío Piñeiro Costa (O Morrazo); Cristina Fernández Piñeiro (Gondomar); Alberte Maceira (Deza); Elsa Quintas (Vigo); Ramón Mouriño Alfonso (Ribadumia); Ánxela Sobral (Soutomaior); e Modesta Riobó (Moaña).
Lugo
O conselleiro de Industria, Fernando Blanco (UPG), será o primeiro da lista por Lugo. Logo del figuran: Isabel Sánchez Montenegro (Lemos); Manuel Parga (A Mariña); Esther López Rodríguez (Terra Chá); Balbino Fernández López (A Mariña); Cristina Ferreiro López (Lugo); Xosé Manuel Becerra Pardo (Baralla); Dores Fernández Abel (A Mariña); Xosé Antón Ledo Pan (Taboada); Lucía López Sobrado (Sarria); Xerado López Henríquez (A Mariña); Pilar Prieto Pita (Terra Chá); Xosé Chorén Vázquez (Lugo); Pilar López Martínez (Lemos); e Francisco Rodríguez Guerreiro (A Mariña).
Ourense
O titular de Medio Rural, Alfredo Suárez Canal (UPG), é o elixido para capitanear a circunscrición ourensá. Detrás estarán na lista: Tareixa Paz (Barbadás); Iago Tabarés (Ourense), Isabel Gacio Pacios (Valdeorras); Anxo Collarte ( O Ribeiro); Tareixa Devesa Graña (Allariz); Óscar Núñez Álvarez (Monterrei); Concha Branco Piñeira (Monterrei); Manuel Amil Otero (O Carballiño); Alba Feixoo López (Allariz); Leopoldo Rodríguez Puga (Celanova); Marta Arribas González (Ourense); Ramiro Sánchez (O Carballiño); e Susana Méndez Rodríguez (Valdeorras).
Comentarios (82)
E que esperaban Beiras e Camilo se non se presentaron a última asamblea?, traizoando a quen votara por eles coma delegados...
O grupo quintanista non son os do chófer á porta, visa libre ouro, marcas ponteiras nas calzas e nos sapatos, e abrigos da bela arruga (os do galeguismo fino ou os finos do)?
Asú!
González Mariñas de último em Corunha? Meu Deus!
Anda, como mola... :)
Hai alguén que non sexa supermilitante do BNG? Sociedade civil? Persoas coñecidas? Renovación?
Parécenme unhas listas presentábeis. Só dúas cousas:
-Mal por deixar fóra aos críticos.
-Por que se deixa fóra a Ánxela Bugallo?
Onde estás Roberto Mera?, para as próximas policia autonómica?
#5. Eu non entendo de política,mais coido que a Consellaría de Cultura ten sido a de maior afouteza ideolóxica e a máis rica en ideas do Goberno Galego.
Non estaríamos perante unha partilla de postos segundo as familias e os grupos de presión? Grupos aos que non lles fai moita gracia unha muller independente de verdade e só comprometida co país.
É máis doado atacar a unha muller que a un dos machos alfa da política galega.Vese ben que Franco botou eiquí 40anos e Fraga16.
Vexo moi blando a este BNG...
Meu Deus, vaia renovación!!! Hai figuras que deberías estar xa na casa, nin Parga, nin Ana Pontón, nin Bieito Lobeira, etc., etc., xa non din nada. O único é a cuestión de Bugallo, que en Cultura foi nefasta.
Serei que son un idealista e gústame os críticos e como vaia así a cousa o mellor será montar outro partido á esquerda da UPG (e non do BNG), demasiado control.
E con este panorama esperan mellorar os resultados... xa veremos, eu agora mesmo non o vexo... e pola miña parte, heino pensar ben.
A min non me gustou nada porque son todos son moi moderados, pero tampouco me gusta que saxan tan radicais, pero non se vos ocurra dicir que critico por criticar.
Por certo por qué deixaron fora os citricos? Se non todo van a ser legumes e hortalizas.
Os críticos quitáronse eles sos...
Ollo ao dato: os da UPG que van con posibilidades de saír elixidos non son do sector nas duro da mesma, senón todo o contrario. A única excepción é Lobeira, quen pola conta que lle ten xa terá aprendido a lección de non mexar fóra de testo. Pontón e Paz son moi ben mandadiñas e non van crear ningún problema a Quintana. E dous homes de peso, Suárez Canale Blanco, son do sector máis light da UPG e están en perfecta sintonía con Quintana. Que non enganen as siglas: Quintana sae gañando. Contra dos que pensan que é débil ou parvo, a min paréceme ben listo e hábil. Ao tempo.
Que os críticos queden fóra despois do que ten chovido é lóxico: os partidos non son monxiñas da caridade, e as nais superioras non toleran rebelións internas. Se Quintana permitise que fose algún crítico, entón si que sería débil e parvo. Pero vai ser que non.
Coincido en que Quintana é bastante "listo", no senso de "espabilado", que non polo seu intelecto. Por algo está aí, perdendo votos e deputados de cada vez e facendo como que gaña, administrando as rentas dos tempos de Beiras.
En canto ao da UPG e quintanistas, eu creo que son siglas para enganar á militancia, hoxe só hai "o partido do poder, ou dos cargos", todos pactan en torno a asegurarse os postos relevantes, e as ideoloxías son só un adorno. Moitos votaremos, aínda así, a este conglomerado, pero que se saiba que con "entusiasmo cero".
Se presentan grandes resultados para o BNG en Ferrolterra logo do grande labor político de Fernando Blanco Parga, home de grande talla política e grande intelecto, e que é coñecido en todo Ferrolterra e toda a provincia da Coruña. O BNG en Ferrolterra vai arrasar
Quen queira votar aos politicos de Jacinto Rey/Constructora San Jose/Caixanova/Caixa Galicia/Feiraco/Tojeiro e demáis burgueses "galegos", que o faga. Grandes beneficiarios do plan eolico, alen desa empresa "galega" como é Endesa (carallo, a Central das Pontes pesa moito).
A distribucion das eolicas foi unha clase de marxismo acelerado. Como o PSOE representa aos burgueses "galegos" marxinados, Amancio Ortega, Jove, Epifanio e demais, e estan moi cabreados pola via das declaracions de Touriño.
Mentras, o PP experesa o cabreo do capital español que ficou tamen perxudica (Endensa non conta). Mais como non foi moi perxudicado asiste ao pelexa como espectador, a espera de que poda volver a facer como facian eles, "repartos dixitais os seus amigos".
Ben. Pois, como votar a calquer dos tres e votar a empresarios que como C San Jose, foi resgatado polos seus amigos do BNG. Dous días antes do Plan Eolico San Jose ameazou cun ERE ou supension de pagos, e estaba renegociando cos bancos a súa debeda. Agora xa ten aval, o plan eolico.
Pois iso. Como votar por calquera dos tres é votar por burgueses, "galegos ou non, eu, pola miña banda non penso votar a ningun deles.
E os criticos. Pois, na miña opinion fixeronna moi mal. Ao non asistir a asemblea nacional, deixaron a xente sen alternativa (non ía gañar, mais as batallas ha que dalas ata o final). E os quintanistas e upgallos aplicaron a maxima de "inimgo que fuxe, ponte de prata".
E así lles vai. Lamendose as feridas polas esquinas.
DE AQUI PARA DIANTE A TAREFA DA ESQUERDA, RECONSTRUIR UNHA ESQUERDA ANTICAPITALISTA E SOBERANISTA.
O mundo non remata nestas eleccions, só se clarexan onde van alguns.
Ao final tamen vai ter culpa Fernando Blanco Parga da expulsión de remexendo do BNG. A ver se o superas e deixas de incordiar, pesado.
O tempo dirá sobre os resultados.
A Terra Chá está doblemente representada, pero non se coñecen, e ademáis nas últimas eleccións, (Municipais), houbo unhos resultados de fiasco.Na comarca de Lugo Centro non hai nada que facer ou non queren facelo, pois haber hail@s, o que pasa é que estamos ante unha crise interna do BNG por estes lares.
Xosé Manuel Martínez OLLEA na lista de Pontevedra.
Ollea? Que caralho é isso de Ollea? Nem sabemos galeguizar bem os nomes? Será Oxea ou Ojea. Ollea é um invento.
Estamos bons com este BNG castrapeiro.
Scaaveiro, desde a queda do muro xa choveu. Non te decataches que o filosofo e economista de moda é, de novo, Carlos Marx e non Keynes nin a escola neoliberal de Chicago?
Os que ides contra corrente sodes os conversos o capitalismo, que non hai tanto tempo falabáis de socialismo.
So que agora, con coche oficial e Visa ouro, vense a cousas doutra maneira.
O que esta posto na orde do dia é o fracaso do capitalismo (ata eles o recoñecen cando nacionalizan bancos e empresas).
E por certo, co Muro de Berlin caeu o "socialismo" burocrático do stalinismo; non o socialismo.
A quen expulsaron? Por qué o expulsaron?
E por certo, deixa de ler a Fukuyama, que el xa se autocriticou do seu libro "o fin da historia".
Os conversos ó capitalismo tedes un pequeno problema, chegades tarde. Eso estivo ben nos 90, cando a reaccion neoliberal ía vento en popa.
Mas o tren xa pasou. Agora o que esta vento en popa é o anticapitalismo. Como non deixeis o voso curruncho nacionalista, tedes menos futuro que un polbo nun garaxe.
#19: Remataria para ti.
#21: Hahaha. Já postos, eu opto por lhe chamar "Oh yeah!" ;)
#19: Esse discurso que te trazes já está muito escutado e ademais NÃO TEM FIN: já não é tempo de combater o capitalismo, já não é tempo de falar de soberanismo, já não é tempo de discordar com a democracia burguesa e espanhola na Galiza... O único que demonstra é a derrota inteletual de quem o professa.
Saúde e Galiza ceive!
#19: Uma outra cousa que me inquieta do que dizes... Que caralho queres dizer com "vades chegar a muito"?
Ao melhor aonde não chegamos é aonde tu queres ir (votos, votos, votos, poder, poder, votos, poder, votos, votos, eleições, poder, votos...) e nós não.
Remexendo non te fagas o despistado, Ti sabes moi ben porque te expulsaron e non foi precisamente polas trécolas que contas ti e mais os teus amigos anti-BNG.
Para aqueles que non se enteraron estamos ante un partido. Como tal ten un funcionamento interno consolidado(as asambleas locais propoñen nomes priorizados 1º...,2º.... que saen da votación das propostas que se dan logo vai a executiva nacional que fai con estas lista unha única provincial, respetando a orde, e volve para as asambleas para que se ratifique.
Conclusión , teriamos que mirar os distintos casos pero o lóxico e que se nestas primeiras a xente que vai vote a uns e outros non e debe respetarse. Fálase dos críticos pero nada se di da súa implantación real o final esto e unha extrapolación do peso que se ten nas distintas asambleas e logo vai por orde de peso demográfico da zona, na lista final.
Este tipo de titulares sesacionalistas estan buscados para o debate pero son matizables, no bloque ainda o que quere pode acudir a estas decisións e ten o seu dereito a propoñer e votar. Por tanto a lista non é de Quintana e da UPG e do BNG.
terracha trabuscaste, o BNG ainda é unha fronte, non un partido. Iso é outra cousa ben distinta.
Vexo que ha moito retroceso na cultura politica, confundese partico con fronte, sindicato con movimento social. Movimento social con sociedade. Vamos que é un lio.
Mas o que se discute non é se é fronte ou partido (galgos ou podencos), senon, o caracter POLITICO do BNG atual. E para moitos xa non é de esquerdas, é unha fronte de, como moito, e sendo "bos e xenerosos", de centro esquerda. Obama, ZP, Touriño á galega, para entendernos.
Deso é do que se debate e de si é necesario construir unha esquerda anticapitalista e soberanistas.
Eu comento a noticia e o titular ti dicute o que queiras.
Non será un partido político organizado de forma frontista, non sei como non teño cultura política . Hai que ser un pouco humildes home eu sólo comento o que penso.
Non olvides nin ti nin naide que o BNG camiñou e camiña cara onde os seus militantes decidiron. E ti que tanto sabes de política sería interesante que non usaras termos tan abstractos e pouco definidos como esquerda-centro- dereita (que por si solos no significan nada mais ca reclamos electorais) e falases de políticas concretas (sociais, productivas...)
Parece-me bem triste que se opte polo rolo mecânico deixando fora todas as vozes críticas... Mas vá por diante que cada um na sua casa pode fazer o que lhe pete, faltaria mais (e quem não gostar, à rua). Interessantes leituras as que se abrem com a ausência (anunciada) da conselheira de Cultura.
ben, parece que Lobeira aínda no vai voltar ao mar, como era o seu desexo ;)
Aiii, vexo a algunhas/úns que se teñen converteido desde mui noviñ@s en polític@s profesionais, o que os fai "reféns" da organización, e viceversa. Pero xa sabe, "la familia" hache axudar e proporcionar un posto. Sorpréndeme a inclusión dalgúns como na lsita de PO. Por exemplo, pregúntome que fai H.Viéitez (e outras) nunha lista ao Parlamento, que méritos, alén dos "servizos" prestados en Vigo durante anos, atesoura pra ires el e deixar no banco a candidat@s de maior valía???. Que conste que non teño nada persoal contra ninguén, pero mira que non haberá xentiña no bloque pra formar unha equipa de quilates...
Pero si, xa sei......."é la familia, amicci".
A quen expulsaron? Quen o expulsou? Por que o expulsaron? Por algunha recalificación de terreos? Por vulnerar dereitos dos traballadores e representantes dos traballadores? Por vivir sen traballar? Por roubar? Por favorecer a Tojeiro? Por encargarlle proxectos a empresas de sondaxe do seu amigo? Por colocar xente no Consorcio de Servizos Sociais, nas Galescolas, na Deputación da Coruña e Lugo? Por meter ós seus familiares en Endesa ou en Forestal del Atlántico? Agardamos as respostas
Confirmse a miña apreciacion, o retroceso pode ser orixinal ou sobrevenido, e parece que iste é un caso claro de "sobrevenido", é dicer, converso.
Esquerda, dereita e centro -mais alo das diferencias de clase, que tamen seran abstractas, como ser burgués ou obreiro, pequeno burgués ou labrego- definen onde un se situa na política.
A linguaxe existe para entendernos e non ter que repetir os programa politicos das organizacions. O non aceitar as normas comuns so pode ter un obxectivo, agachar algo.
Se eu falo de esquerdas falo dunha opcion que nega o mercado, que nega un Plan eolico como o feito por Fernando Blanco, ao servizo dunha politica produtiva de dereitas. Como a que podería facer un PP máis racional que o que temos aquí.
os rotulos das politicas definen menos que esquerda centro o dereita. Pois baixo o rotulo politica produtiva agachase o seu verdadeiro contido de clase, ou para o JAciento Rey, Caixas e demáis ou ao servizo das necesidades do pobo traballador.
Onde te situas ti?
Todo estaba atado e ben atado dende o paripé das asembleas. Na Galiza, o que discrepa tampouco sae na foto. Mesmo parece que sempre nos sobraron os bos políticos. Será porque non se deixan manipular? En troques preferimos aos que naceron para cans; ousexa; os que se deixan manipular polos xefes do dogmatismo e moi pouco intelecto.
Concordo plenamente con terracha, o BNG é o que as e os seus militantes queremos
Teño entendido que González Mariñas figura no último posto na lista da Coruña a petición propia
#22, #24. Isso é, certamente. Desde a queda do muro já choveu, mas algum semelha que quere continuar durmido, a sonhar. E que pensas que entom morreu o "socialismo burocrático do estalinismo" e nom o socialismo? Nom sei, suponho que em isso terás tu mais a dizer, mas o que cumpre lembrar é que na URSS, logo da morte de esse tirano, o regime estalinista foi condenado e rejeitado. Ora, os socialistas veredes o que morreu lá, mas para mim morreu a tirania e nasceu a liberdade para muitos dos povos do leste da Europa.
Nom mistures alhos com bugalhos. Eu sempre defendim umha economia de mercado desde a social-democracia ou desde o liberalismo, nom comeces com as regras gerais proprias do socialismo porque te enganas. Eu nem Visa Ouro nem coche oficial, outros nom o duvido.
Também aguardo impacientemente as vindouras eleicções nacionais para ver nas urnas o que é que "está de moda": Nós-UP? a FPG? Qual é que vai ser a quantidade de votos que vam obter "estando de moda"? 6000 entre as duas forças? Já vejo...
Alem disso, sinto-me moi orgulhoso de admirar a gente como Margaret Thatcher, quem converteu o Reino Unido na economia máis vibrante da Europa quando estava afogada polo sindicalismo e o trabalhismo, ou a Ronald Reagan, graças a quem as ganâncias do estadounidense meio aumentarom em 4000$, e todo isso enquanto na URSS os bens de consumo eram escassos e o mercado negro mais a economia marginal cresciam e cresciam. Sim, estou orgulhoso. Como também estou orgulhoso de olhar cara a Irlanda, o melhor exemplo que podemos ter, ou cara Estónia, milagre onde as houver... olhar cara gente como Evo Morales, ao qual lhe forom 100.000 familias bolivianas para o buraco da pobreza extrema nos últimos meses, ou berrar "Cuba sim, Ianquis nom!" na Quintana, isso, nom leva a ningures.
Enfim, nom duvido. Nengum movimento nacionalista, já nom soberanista, galego vai vencer a batalha da soberania nacional, que é o verdadeiramente importante, enquanto nom tenha um projecto forte e bem encaminhado, feito com cabeçinha, pensando no nosso pais e em nós próprios, sem estrelas vermelhas nem punhos erguidos.
#25, #26, #27 :D Andas um bocado enganado. Eu sou o primeiro na luita soberanista, o primeiro, mas quero umha naçom para todos e para todas, para o proletario, sim, mas também para o empresario. E para luitar pola soberania nacional, para constituir um Estado galego independente com representaçom nos órgaos e instituções internacionais, consciente dos seus lazos com o Atlántico, com a Lusofonia e com a Espanha, aceitado e respeitado no mundo, nom é necessário falar de burguesia, nem de explotaçom... o que necessitamos é trabalhar duro, sumar esforços para trazer, ou aomenos que nom a levem, a esta terra riqueza e bem-estar e nom perder o tempo a chorar polo mã que é a Espanha e polo oprimidos que estamos.
Eu também quero revoluçom! Mas revoluçom tranqüila como no Quebeque.
#38 Obrigado PARADANTA, nom sabia mas supunha que seria algo assim.
A única forma de fazer país eleitoralmente hoje em dia é votar ao Bloco. É lamentável ter que votar a um grupo crescentemente caciquil, clientelar e mediocre desde os pontos de vista intelectual e político mas, por enquanto, é o que temos os que pensamos que desde o poder autonómico se pode fazer país e o Bloco está a fazê-lo polo menos mais do que o PSOE ou do que fixo o PP.
Pontón, Lobeira e algúm mais som, para mim exemplos de políticos profissionalizados mas sem outra alternativa na vida que nom seja a política e é que Paco prefire-os servis, controlados e mediocres.
A miña nai.... os responsabéis de que nos USA hoxe teñan, en moitos barrios, unha esperanza de vida semellante a de Nixeria, o Sr Reagan... ou a sra Thatcher.
Nada que con fundamentalistas cristians e fanaticos neoliberais non se debate.
O miragre de Irlanda... se foi o primeiro pais da UE que entrou en recesion hai xa uns meses.
Non ten enteras de nada... Esta crise é para o capitalismo o que a queda do muro de Berlin para o stalinismo, a demostracion do seu fracaso historico.
Ata nunca, con neoliberais non se debate, se lles derrota.
#42 Fornece dados. Quais som esses bairros dos EUA?
Pero pensa um bocadiho ao menos, os pobres nom som pobres porque existam os ricos e a questom nom é fazer que todos sejamos iguais, mas que os pobres sejam mais ricos. Eu defendo o meu direito a ser DIFERENTE E DESIGUAL, mas todos os humanos, por natureza som LIVRES E IGUAIS.
A crise é mundial e afecta a todos para uns é mais lene e para outros mais dura, mas quando eu falo do milagre da Irlanda refiro-me à sua mudança económica. A ela passar de ser o pais mais pobre da Europa, de estar marcado pola fame e a emigraçom e de ser umha pataqueira a competir com o nível de vida da Suécia. Quiçá o que "non se entera de nada" nom sou eu.
E se esta crise para o capitalismo for o que a queda do muro de Berlim para o socialismo, suponho que do nosso muro nom fica já nada. Com a quantidade de crises que vivemos, e as que quedan!
A propósito, a Sra Thatcher responsável do quê onde? :D
Hostiáa¡¡ John Smith resucitou¡¡¡
Decia o Bieito lobeira na voz de galicia que era hortera.O que realmente ocultou é que era un farsante e un cara dura o fardar de falso mariñeiro e estibador, que estaba disposto a embarcar ¿que faga público os embarques e os dias que traballou de estibador?.Pos incautos que se creian que deixaba o parlamento decirlle que o embarque do que falabaé no barco do chupeteo da politica que foi o que se dedicou .O traballo escapalle e veo de lexos,pois na sua vida pegou pancada.O ver estas listas habra berrar ben alto NUNCA MAÍS.
Que gran criterio hai aquí, vexo cada vez que entro que os meus votos son negativos (baixando ou sibindo) cando os meus argumentos repítense moito nas mensaxes que van despois e aparecen cos votos positivos. Non o entendo.
Sigo dicindo que non quero políticos profesionais tipo Lobeira e Ana Pontón, que Parga (o deputado da Mariña) non fixo nada e a Bugallo menos. E que o sector crítico ten tanta razón de ser como os quintanistas, que lles gusta moito a moqueta e estou coa base, a que sempre pegou carteis, puxo diñeiro do seu peto e vai nun coche de sempre. Paréceme que ao BNG fáltalle moita intelectualidade, que está deixando moito lastre ideolóxico no camiño e a min iso non me interesa e verei se estou disposto a tapar o nariz para dar o voto a unha lista que non me convence, xa sei que o outro é peor, pero sempre estamos igual. Cal é a alternativa? Loitar no movemento cultural, ecoloxista, etc., como hai anos? E dígoo desde a experiencia.
Podemos facer unhas reflexións:O BNG será fronte, ou partido,ou o que sexa,pero nambergantes actúa coma os demáis partidos(por medio de delegados,as),e rexeitando a xente que discrepa(os críticos).Fan o paripé das asembleas,para quedar ben......e que non lles digan que non escoitan a BASE.Esta BASE(a non ser os delegados,as)é........"a clase de tropa",que case sempre é silenciosa,non se manifesta,fai pouca crítica.Pero,coidadiño.....pois os críticos ,son precisos en toda organización,para que esta sega o camiño recto.
Os críticos de máis alto nivel do BNG,fixeron moi ben en non asistir a Asemblea,e os demáis críticos que non asistiron as súas,tamén.Hai que ser honestos e consecuentes co que se pensa.
Na maioria das asembleas,se escoita pero coma se chovera.
¿Que pintamos neste frente?,¿pagar o recibo e dicir AMEN?.
Está todo atado e ben atado.
Por iso,a xente do pobo dí:"Todos os partidos son iguais".
Vaia, #44, isto era o que me faltaba por ver: un presunto simpatizante/militante do Bloque que acha que a Thatcher e Reagan son modelos ideais de xustiza social, política e económica. E máis coa que está caendo. Deixa moi por detrás á asociación de amizade Galiza-Israel, coa que imaxino que tamén simpatizarás (malia os kibbutz, eh? Ninguén é perfeito...). Mais resulta sintomático de cara onde camiña o BNG cando semellante marco 'ideolóxico' se pode plantexar así dende dentro... Saúdos a Hayek, Von Mises e os Chicago Boys que tanto fixeron por Chile, Pinochet mediante.
Paréceme que o BNG acerta co seu plantel de candidatos, aínda así quero decir que:
1.-Boto en falta un papel máis relevante de Roberto Mera na candidatura de Pontevedra.
2.-Tería sido unha aposta segura que María Xosé Veiga Buxán voltara ó plano parlamentario e deixara a deputación provincial.
3.-Néstor Rego, Martiño Santos ou Gonzalo Castro terían que estar entre os oito ou nove primeiros da lista completando a representación da comarca de Compostela.
4.-Carme da Silva vai excesivamente atrás na lista pontevedresa.
5.-Deberíase ter recuperado a Chema Ferreiro na lista de Ourense en detrimento doutras persoas que ocupan postos relevantes.
De todos xeitos creo que a Executiva do Bloque acertou en conxunto, e de xeito significativo na colocación de Ana Pontón no número 2 da lista da Coruña e tamén mantendo a Bieito na lista de Pontevedra.
#50 Perde cuidado, eu nom sou o conselheiro de Quintana e nom sou o causante da "deriva" do BNG.
Que eu admire a certa persoa ou colectivo nom quer dizer que eu partilhe todos os seus ideais, que esteja a favor de todo o que figerom ou que tenha umha fê cega em eles.
Bem que gostaria eu de ter um partido nacionalista liberal galego, pero nom existe. Eu sou um patriota (aínda que soe a caverna) e quero trabalhar polo meu pais com o objectivo final de atingir a soberania nacional plena e o único partido no qual se pode fazer algumha cousa útil é o BNG, no que também há direitistas e liberais além de mim.
E sobre liberalismo e crise económica, que vejo como a gente fala: o sector mais intervido e regulado é o bancário, o sector que provocou esta crise. A crise económica é umha crise causada polo intervencionismo pois
Scaaveiro, Harlem ten unha esperanza de vida que non pasa dos 50 anos. Por exemplo, e iso na suposta capital do mundo, NY, e sen ir mais lonxe.
O tigre celta irlandés é como o caso de Islandia... hai dous días todos falaban do miragre islandés, do nivel de Islandia, e agora vai e presenta, como estado, suspension de pagamentos.
O tigre celta irlandés creceu sobre a base do desregulamento das relacions laborais, da precariedade, e agora, coa recesion, xa veremos quen paga os pratos da crise... os banqueiros ten por seguro que non.
As empresas, que foron a Irlanda polos baixos salarios que tiñan, agora estan "deslocalizando".
E os ricos son ricos, porque ha pobres, mas non pobres abstractos, senon xente que traballa todos os días por un salario que lle da para chegar o dia 20 do mes, para que o dono da empresa se faga máis rico: CO DIÑEIRO QUE TEN AMANCIO ORTEGA RESOLVERÍASE A FAME E MOITOS PAÍSES.
E fixose rico sobre a base dunha superexplotacion das traballadoras, en principio galegas, e agora de todo o mundo (75 mil diretas).
E se sabes algo da historia da economia saberás que o liberalismo morreu a comezos do seculo XX, cando xurdiron todas as grandes corporacions financeiras, industrias e comerciais, os truts e demáis.
O liberalismo na economica, é dicer, o "laissez faire", foi o lema dos Adam Smith e Ricardo; mais os Keynes son intervencionistas. E si, tés razon, a banca esta intervida polo estado... So cando ten perdas (como dixo Fontela, pte da patronal galega, demoslle un parentese o mercado).
Mentras ha beneficios, todos somos liberais, o mercado manda. Cando ha perdas, todos intervencionistas, para socializar as perdas. Non confundamos os termos, que é moi tipico para agachar as verdadeiras ideas de un.
E quen resgata aos millons de traballadores que estan a perder o seu posto de traballo?????. Porque contra eles non ha planos de resgate de miles de millons de euros (por certo a Banca ianqui negase a dicer en que esta gastando os diñeiros -de todos- que lle deu o goberno, que ten narices). E non só a banca, o automovil, os gandeiros, os armadores, todos queren plan de "resgate". E aos traballadores EREs, xornadas de 65 horas, conxelacion de salarios, máis precariedade.... Esto é liberalismo ou en termos reais, CAPITALISMO.
O liberalismo atual, é dicer, o neoliberalismo é o chamado darwinismo social, que se salve o mais forte. E iso é unha barbaridade para unha sociedade como a humana que se supon "racional".
O neoliberalismo é a traslacion das leis da natureza a sociedade.
E como din noutra mensaxe: se o BNG é capaz de ter a simpatia de darwinistas no social é que a súa deriva é moito máis rapida do que moitos pensabamos.
O único obxectivo deste BNG é manter o poder que ten neste momento no Parlamento.
Xa hai tempo que pactou co PSOE para non entrar no seu "espazo electoral" e tentar entre os dous quitarlle votos ó PP. Beiras facía exactamente o contrario e conseguiu 400.000 votos, 18 escanos en Galiza, 3 en españa e gobernar en Vigo, Ferrol e Pontevedra. Veremos os resultados de Quintana. Eu aposto por un 35-PP, 28-PSOE, 12-BNG...
Antes todo o mundo falaba de crear un partido á dereita do BNG para atraer o votode posibles nacionalistas da dereita. Agora fálase de crear un partido á esquerda do BNG, pero a xente que o vota é practrcamente a mesma. ¿É que estamos todos tolos?
Caaveiro, ti si que apanhaches bem a ideia do que o "novo" BNG. Há que agradecer a tua sinceridade, ti devias dar os mitines e escrever os programas. Assim nengum imbécil poderia dizer que foi enganad@ a votar no BNG, ou dizer que fai parte, mas é "crític@"
Non gosto moito do rumbo que esta tomando o BNG, tentando crear unha burguesia galega ao estilo CIU (creo sinceramente que esas xuntanzas do Galeusca estanlle facendo "mal" ao BNG), pero tristemente non hai outra alternativa, seguimos con mil siglas independentistas & socialistas e nada en concreto, ¿que facer? ¿votar en branco? ¿non votar? Nestes 4 anos o BNG fixo algunhas cousas ben e outras non tan ben, ben e certo que un partido con 13 escanhos non se pode pretender que goberne un pais tendo os outros o dobre e tripo de escanhos, enton casi mellor darlle o votinho ao BNG, que sempre faran algo máis polo pais, ainda que so sexa por darlle polo cú aos mandrilenhos & CIA.
Bem keltoi, se caaveiro mostra a mentalidade dos que dirigem, ti és o prototipo do "novo nacionalista" bem guiadinho. "pragmatismo" ao máximo e espírito transformador "a tope". Como se vai perder o teu precioso voto? Terá que ir para alguém que com seguridade sente o seu cú no Hórreo. Como faria o BNG em tempos para ter o seu primeiro representante institucional? Seria que nom eram tam parvos antes como para interiorizar a teoria paralisante do "voto util"?. E o melhor é isso do dos fachas de Madrid, "los amigos de la ETA", sim, os amigos da eta fazendo homenagens às instituiçons terroristas do estado...patético
Ben, pois despois de leer tanto comentario, tanta opinión e tanto blocologo, penso naquela aspiración que tiña Castelao, queria ver unha Galiza donde os vellos se arremoiñaran cada mañan ao redor das obras mirando como se erguían.
Eu engado, cada vello mira a obra de distinta maneira e cada un deles é un enxeñeiro, só dirixe, pero non bota man nin a unha táboa, pois o deles é pasar o tempo, mirar como os obreiros traballan e enborran as mans. Nunca se enganan vendo a obra dende o valado.
O BNG goza de moi boa saúde, mirando tanto vello contemplando como os centos e centos de militantes e simpatizantes enborran as mans, arriman as ombreiras para construir País. Non se pode chegara outra conclusión.
Outro dato para a mesma conclusión:
¿Cantos van a molestarse en escreber ou opinar sobre as listas que apresenten outras alternativas , eso sí: "máis puras, revolucionarias, independentistas, anticapitalistas e antiespanholas"?.
curruvello: mellor falamos despois das eleccions, a ver se esas arelas tan esforzadas dos militantes e simpatizantes, teñen o plácet da cidadanía.
Partindo da premisa de que a xente que hoxendía está na política é, nunha porcentaxe bastante elevada, INCOMPETENTES E LACAZANS, que prefiern buscar acougo no poder porque o traballo na rúa é moi duro. Eu coñezo a algúns que están nas listas que son auténticos cepos. Eu tamén son un cepo, pero se mañan teño que traballar de político, me poría a traballar, en serio.
Ben, partindo desta premisa. ESTE É GRUPO DE PERSOEIROS ENCARREGADO NESTES TEMPOS DO PROCESO DE CONSTRUCCION NACIONAL. MEU DEUS¡¡¡¡¡¡¡¡¡¡¡
namentras sigamos tendo o lastre da estrela vermella e o marxismo-leninismo ás costas non pasaremos de ser unha forza política bisagra ou minorizada. Hai que buscar o entronque coa cidadanía galeguista que se proclama maioritariamente de centro e entón poderá agromar o gran partido galeguista doutrora con vocación de goberno e liderazgo nacional.
Tense falado moito das candidaturas ao Parlamento de Galicia e coido que as listaxes apresentadas deixan moito que desexar. Coido que entre a militancia podemos atopar moita máis xente comprometida e con experiencia e curricula moito mellores que moitos dos enfermeiros e sindicalistas que hogano están a ter labouras de dirección tanto no BNG como no Parlamente o no Goberno galego. Menos endogamia e máis renovación. Doutro xeito á hora de loitar dialécticamente co PP e PSOE seguirán a darnos as tundas que nos dan por termos uns representantes tan cativos no académico como no profesional.
Eu também concordo com que tiredes a estrela vermelha e deixedes de enganar a gente. O do marxismo-leninismo vou pensar que era umha brincadeira...
Bonito espectáculo de intolerancia cruzada e gratuíta demagoxia. Supoño que por ser crítico coa conversa xa terei voto negativo, claro. Ao que ía, o BNG é xa un partido típico, non asembleario, senón con delegados e pouco democrático na escolla dos seus candidatos. Nada escandaloso, era de agardar. Pero está o BNG en vía morta ou é quen de toma-la vía doutros partidos e poñer na súa executiva conselleiros de valía, simplemente non hostiles ao BNG, pero non militantes? Non é que os conselleiros actuais sexan en tódolos casos malos de solemnidade, ou polo menos non moito peor cós dos outros pardidos tanto no actual como nos anteriores gobernos, pero Galicia necesita un pouco de política técnica e non confesional. Na miña humilde opinión, o BNG achega personalidades preparadas como único valor, pois a organización frontista e en bloque deixa moito que desexar.
Haber, Daniel ErreCe, o resultado é o de menos, o que si queda claro e que vai haber moita xente a traballar e os "enxeñeiros" seguiran vendo a obra dende o valado. A diferencia está en que algúns estan apostando e desexando por que a obra caia e os que manchan as mans e poñen o ombreiro, so pensan en levantar a obra. Unha vez rematada os que suaron terán a conciencia tranquila de haber contribuido a facela a altura a que chegue, xa se verá, pero será obra deles.
Mentras, os que están no valado, chegue a obra a altura que chegue nunca poderan dicir que suaron por ela. Agardo que ti sexas dos que esten na obra e non de "enxeñeiro",pois facemos falla todos. De "enxeñeiros" estamos sobrados.
Unha aclaración: o BNG nunca se declarou nin marxista e menos marxista-leninista. E mesmo a UPG, que segue declarándose de Marx, Lenin e Castelao, hai xa ben anos que deixou de utilizar a expresión marxista-leninista con guión.
Abofé. Eu tamén teño sinalado o que indica Opinador, simplesmente como un feito da "realidade real". O marxismo é realidade virtual en muit@s dos proclamados como tal.
Queda ben declarar-proclamar o marxismo de cando en vez, sobre todo en mesas cheas de manxares da terra e do mar, regados cun bo viño tinto. Erguemos o puño e proclamamos coa banda sonora da internacional.
Repárese que tamén é unha práctica muito común no xantar do Día da Patria en Compostela.
Tamén se recomenda (manual de a bordo nos cuarteis "escuros") facer estas proclamas para descualificar a compañeir@s do bloke(que se ven como enimigos políticos; sic)que "non estea en posesión da razón", e sobre todo, non están coa razón U-niversal. Por tanto:chamamos-insultamos á/ao contrari@ (curiosamente, compañeir@s)coas seguintes "faltadas":socialdemócrata¡¡ ecoloxista de salón ¡¡¡ revisionista¡¡ "autonomista", etc, etc. Si, son @s mesm@s que logo paralizan calquera proposta de corte "esquerdoso", non vai ser que non nos voten os do PP; @s mesm@s que xustificaron a presenza de cargos locais en procesións católicas; @s mesm@s que meten o freo de man a calquera proposta que non naza do seu entorno máis "U-nmediato"; son, en definitiva, aquelas/es que posúen o santo grial da razón e nunca, nunca se van equiocar nen actuar en interese exclusivo da "familia". Por iso, son @s/os nos@s guías e os que teñen qu estar ao mando da nave, sen importar se son ou non son marxistas ou calquera outro "ista"
Se cadra, outro día continuamos co "pequeno manual básico de comportamento estético" no seo da obra común do nacionalismo.
Abofé. Eu tamén teño sinalado o que indica Opinador, simplesmente como un feito da "realidade real". O marxismo é realidade virtual en muit@s dos proclamados como tal.
Queda ben declarar-proclamar o marxismo de cando en vez, sobre todo en mesas cheas de manxares da terra e do mar, regados cun bo viño tinto. Erguemos o puño e proclamamos coa banda sonora da internacional.
Repárese que tamén é unha práctica muito común no xantar do Día da Patria en Compostela.
Tamén se recomenda (manual de a bordo nos cuarteis "escuros") facer estas proclamas para descualificar a compañeir@s do bloke(que se ven como enimigos políticos; sic)que "non estea en posesión da razón", e sobre todo, non están coa razón U-niversal. Por tanto:chamamos-insultamos á/ao contrari@ (curiosamente, compañeir@s)coas seguintes "faltadas":socialdemócrata¡¡ ecoloxista de salón ¡¡¡ revisionista¡¡ "autonomista", etc, etc. Si, son @s mesm@s que logo paralizan calquera proposta de corte "esquerdoso", non vai ser que non nos voten os do PP; @s mesm@s que xustificaron a presenza de cargos locais en procesións católicas; @s mesm@s que meten o freo de man a calquera proposta que non naza do seu entorno máis "U-nmediato"; son, en definitiva, aquelas/es que posúen o santo grial da razón e nunca, nunca se van equiocar nen actuar en interese exclusivo da "familia". Por iso, son @s/os nos@s guías e os que teñen qu estar ao mando da nave, sen importar se son ou non son marxistas ou calquera outro "ista"
Se cadra, outro día continuamos co "pequeno manual básico de comportamento estético" no seo da obra común do nacionalismo.
a todo isto: non podemos caer na cíclica maldición do nacionalismo galego (esquera, por tanto), de sermos 4 e, á primeira de cambio, dividirnos, claro. Estaríamos a revertir o pouco camiño recorrido no país no que case o 50% do eleitorado vota ESPAÑA E PP.
Entendémolo, non si???
A ver se, con toda crítica e "fiscalización" interna somos quen de non perpetuar o mito de Sísifo da nosa historia política.
Estou dacordo co comentario que dicia que hoxe a UPG non representa nada de esquerdas e a negociación entre quintanistas e UPG tampouco existe; só existe reparto de poder. Cando o BNG estaba na oposición tiña moi limitada a posibiidade de acción, mais era un altofalante para a maioría das posicións reivindicativas: idioma, cultura galega, ecoloxismo, agro, pesca, movemento obreiro... Agora non é nada, posto que lle deron as costas á súa xente para pasar a defender ao empresariado "galego"(de ideoloxía totalmente españolista, por certo, e posturas moi antisociais en numerosas ocasións), tentando ser a CIU galega ou o PNV con gz. A cuestión de recibiren críticas non lles causa ningún transtorno se, aínda que sexa co nariz tapado, reciben votos para manter o seu coche oficial e seguir enganando ao pobo, que din defender. Por iso, eu téñoo clarísimo e, POR PRIMEIRA VEZ, NON PENSO IR VOTAR; POR PRIMEIRA VEZ, NON FAREI NINGÚN TIPO DE CAMPAÑA NO MEU CONCELLO, NIN ENTRE AS PERSOAS QUE COÑEZO. Nestes últimos tempos, sentín en moitas ocasións vergoña diante de moitos colegas e veciños aos que lles teño pedido o voto para o BNG, dende hai máis de 20 anos. Por certo, as listas de puta pena, a moitos non os coñecen nin na súa casa, e non teñen máis mérito que a fidelidade a aqueles que hoxe manexan un chisquiño de poder.
pode que no país non teñamos unha tradición empresarial propia ou mesmo unha pequena burguesía con conciencia galeguista e moito menos nacional como en Cataluña, pero non por iso o BNG debe deixar de facer esforzos por chegar a capas máis amplas da sociedade. Doutro xeito quedaremos perpetuados nun 20% de representación e non acadaremos ser a forza aglutinadora do galeguismo de distintas sensibilidades. É ben certo que non é o mesmo predicar que dar trigo; facer oposición que gobernar, pero só pensar en que en fronte se atopan os españolistas Feijoo, Rueda, Juncal, Rajoy, Paco Vázquez, Ricardo Varela, etc, anima e moito a manifestar o noso compromiso co país. Todo isto sen prexuizo algún de preferirmos unhas listas con candidatos moito máis capacitados ca Lobeira, Pontón e outros do montón. Eles tamén inclúen candidatos moi malos como Lage Tuñas, López-Chaves, Gómez Alonso, etc. Por todo isto eu non me quedarei na casa.
....Trsiquel, "por Deus"¡¡¡.
Enetendo muito do descontento que reina (eu mesma), pero acho que estamos perdendo perspectiva. Agora non teño tempo, pero en días posteriores gostaría de facer unha reflexión contigo e persoas que coma ti non van votar, coa mellor vontade e mesmo con compricidade, xa que acho tod@s compartimos máis obxectivos e querencia polo país-sociedade GZ do que asuntos nos separan. Mesmo compartimos boa parte da análise crítica
Gústenos ou non esta afirmación, a realidade é que o BNG é o único "voto útil" para os nacionalistas, sexan ou non de esquerdas. Cada un que sopese que é mellor. Se un se absten, favorécese o PP e o PSOE, isto é un dato obxectivo.
Como tamén é certo que votar as opcións independentistas ou a Terra Galega non ten utilidade práctica, pois están moi lonxe de superar a barreira do 5% que esixe a lei electoral.
Repito: que cada un sopese como vai utilizar o seu voto, libremente e en conciencia. E unha reflexión final: en política non hai alternativas´"óptimas", senón que hai que elixir sempre entre tres opcións: a mala, a peor e a pésima. Na miña opinión, o máis sensato é votar á primeira. Así de fodida é a cousa, pero non hai outra.
O grande problema para o nacionalismo galego, na miña opinión, é que case non existe xente nacionalista de dereitas, porque case non existe, que se vexa, unha burguesía propiamente galega. A burguesía, en xeral, -e son moi xeneroso dicindo iso de "en xeral"- non é para nada galeguista, non é nacionalista galega e si que é nacionalista española. Esta é a grande diferencia coas burguesías catalana e vasca. Aquí carecemos de personalidade propia, e por iso estamos atrasados e por iso o nacionalismo aquí é minoritario, e por iso aquí, sen un empresariado máis ou menos importante verdadeiramente galego, tamén é difícil ter unha clase obreira, e menos aínda unha clase obreira galeguista. A consecuencia é que en Galiza existen dúas forzas políticas estatais que son as claramente maioritarias aínda hoxe: pola esquerda (moderadísima), o PSOE, e pola dereita o PP.
Matizo, para aclarar, que digo que non hai un empresariado máis ou menos importante que sexa galego, con empresas radicadas aquí, sen seren sucursais doutras de fóra, aínda que eu non teña nada de experto en economía, mais coido que é así, e digo que boa parte da nosa clase obreira emigra a lugares nos que hai máis industria, cousa que prexudica o desenvolvemento dunha clase obreira galega.
Estas cousas poden explicar o porqué de que en Galiza nin teñamos unha conciencia nacional forte nin tampouco unha esquerda forte, e si en cambio unhas actitudes demasiado conservadoras que levaron a que gobernase a dereita con claras vinculacións co franquismo ata hai a penas catro anos, con exministro de Franco na presidencia incluído, o cal sería impensable en Euskadi, en Cataluña e eu penso que en calquera autonomía de España.
Aínda nas últimas eleccións autonómicas a dereita centralista e caciquil estivo a piques de acadar a maioría absoluta. ¿De que imos pola vida?
opinador exprime com clareza a chantagem do "voto útil", útil para quem o recebe, nom para um suposto "nacionalismo", que o BNG há tempo que deixou de representar. Voltamos ao mesmo. É "útil" aquel voto que contribue para sentar mais um estómago agradecido no hórreo, ou o que começa a constroir umha alternativa à esquerda, nom autonomista?. Os covardes e os mesquinhos já respostarom
Sobra o de "covardes e os mesquinhos", #77 Hermerico, porque non achegan nada ao debate.
Eu non expuxen ningunha absurda e imposible chantaxe, senón que me limitei a expoñer un feito obxectivo, que pode gustar ou non, pero que está aí e non se pode soslaiar.
E tamén dixen claramente "que cada un sopese como vai utilizar o seu voto, libremente e en conciencia". Ou sexa, que todas as posturas son igualmente lexítimas á hora de votar/non votar.
Que algúns pensades que é posible contruír "umha alternativa à esquerda, nom autonomista"? Pois non hai problema: poñédevos ao labor, porque con simples palabras nos foros non se contrúe nada.
O que eu vexo é que, hoxe por hoxe, iso non se está a facer con seriedade, claridade e continuidade. E que ninguén se moleste, é unha simple opinión persoal. Non tería ningún problema con que os feitos desmentisen esta opinión.
No BNG vese unha deriva radical últimamente. Coa crise financieira, os ortodoxos do marxismo andan envalentonados saínda das catacumbas. O outro día escoitaba a Aymerich falar das liñas do programa do bloque para estas eleccións, e era socialismo salvaxe puro e duro, control de caixas, máis expropiacións, máis impostos... xa temos un exemplo co plan de vivenda. E a UPG non só non retrocede senón que medra.
Toda esperanza dun Bloque moderado e próximo á realidade da sociedade esvaécese.
opininador, olha para VMS, que che parece? Faltou-lhe o de "los amigos de la eta", que nom , que nom voto no BNG!
Falando de cousas sérias, a liberdade que hai à hora de votar para a maioria de pessoas e a mesma que tenhem quando manejam o telemando da TV. Creio que me esplico. De resto nom fas mais do que reafirmar-te na chantagem "olha que se nom votas no BNG favoreces a direita (PP-PSOE)". Eu retruco, se votas no BNG também favoreces a direita e impedes que avance umha alternativa real, nom virtual
Vaia renovacion que ofrece o BNG...esperemos que o seu programa estea renovado...porque senon mal vamos...
Novo comentario
Se xa tes o teu nome en Vieiros, podes acceder dende aquí:
-
A CIG destapa a existencia de tratos de favor a empresas vinculadas ao PPdeG
Edición xeral
-
Luz verde á Lei Ómnibus co 'Non' do BNG, que pedía blindar as condicións laborais e garantir deberes lingüísticos
Edición xeral
-
"Que impere a razón", reclámalle Vázquez a Zapatero ao fío das caixas
Edición xeral
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto