Vieiros

Vieiros de meu Perfil


Edición xeral

RSS de Edición xeral
Segue o masacre

Máis de mil mortos en Gaza

Mentres, as negociacións de Exipto con Hamas avanzan, aínda que segue habendo puntos do acordo por pechar. Israel mantén a ofensiva.

Redacción - 09:00 15/01/2009

Na altura deste xoves son xa 1.013 mortos confirmados como consecuencia dos ataques israelís sobre Gaza, segundo fontes sanitarias palestinas. Dese total, máis de 300 son menores de idade. Ademais, arredor de 5 mil persoas resultaron con feridas graves.

Funcionarios da ONU teríanlle asegurado á BBC a veracidade das cifras, mentres Israel segue bloqueando o acceso de xornalistas á franxa. Por outro lado, o executivo israelí confirmou a morte de trece persoas, dez deles soldados e tres civís como resultado dos foguetes lanzados desde Gaza ao sur de Israel.

Por outro lado, este mércores á tarde, as negociacións con Hamas en Exipto para conseguir unha tregua deron pasos positivos, aínda que líderes da organización aseguran que fican puntos importantes por pechar e aínda non hai acordo.

Este xoves, o negociador israelí, o xeneral Amos Gilad, reunirase con responsábeis do goberno exipcio para analizar a situación.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: