Vieiros

Vieiros de meu Perfil


Canal Verde

Xestionado pola Federación Ecoloxista Galega e Vieiros
RSS de Canal Verde
Caza do raposo

Insultos, coitelos e escopetas

Ecoloxistas denuncian ameazas dalgúns dos participantes na 'VI Copa de España'.

Redacción / EP - 17:45 24/01/2009
Algúns cazadores non gustan da presenza dos ecoloxistas / Adega

Algúns cazadores non gustan da presenza dos ecoloxistas / Adega

O coordinador executivo de Adega, Martiño Fiz, advertiu de que buscará a información acerca dos animais cazados este sábado na 'VI Copa de España de Caza de Raposo' que tivo lugar en Rodeiro (Deza), para "comprobar se superaron a cota de raposos" estabelecida para os tecor -terreos cinexeticamente ordenados.

Un dato que tamén recoñeceu descoñecer, Eladio Ferreira, director de Equanimal, xa que o lugar ao que levan os animais mortos "é algo que ocultan" os participantes.

Fiz recordou que nun torneo como este, "no que se premia o que máis caza", é posíbel que se superasen os límites nalgunhas zonas. Segundo indicou, o seu grupo seguiu unha cuadrilla na Golada, tamén na comarca dezá, mais non tivo incidentes cos cazadores.

Non foi o caso do grupo de Ferreira. Este explicou tres casos en que un cazador ameazou -cunha escopeta, cun coitelo e verbalmente- un membro da asociación por facer fotos e gravar as actividades durante a competición.

A iniciativa, "todo un éxito"
O membro de Equanimal cualificou o resultado da iniciativa como "todo un éxito" porque os máis de 200 voluntarios que se desprazaron até o lugar conseguiron evitar que algunhas persoas cazasen animais, seguindo as cuadrillas e facendo ruído para escorrentar os raposos.

Ás 13.00 horas todos os grupos reuníronse fronte á casa onde comeron os cazadores, en Rodeiro, para protestaren e leren manifestos en contra deste tipo de eventos. Pola súa banda, a Federación Galega de Caza defendeu a xornada como "un día normal" desta práctica, que está permitida e "amparada pola legalidade".


4,75/5 (28 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: