Vieiros

Vieiros de meu Perfil


Edición xeral

RSS de Edición xeral
DENUNCIA DO BNG

Acusan a Baltar de empregar o coche oficial para recoller os netos no colexio

A Deputación de Ourense fixo público un comunicado para desmentir estas acusacións.

Redacción - 18:40 01/06/2009

Foi unha denuncia feita polo senador do BNG, Xosé Manuel Pérez Bouza, quen acusou ao presidente do PP de Ourense, Xosé Luís Baltar, de acudir a mitins do partido en coche oficial, así como de empregalo para recoller aos seus netos no colexio. En concreto, Pérez Bouza referiuse a un acto electoral ao que foi o presidente da Deputación Provincial no concello de Porqueira ao que, segundo explica, chegou no Audi oficial e co chofer que paga esta administración.

Deste xeito, o senador nacionalista criticou a dobre moral do PP que "está a adicar esta campaña a discutir se o presidente do goberno do Estado fai ben ou non utilizando un avión para ir aos mitins" e asegurou que Baltar "non acudiu nun Falcón porque de momento a Deputación non o ten".

Resposta
Da súa banda, a Deputación provincial de Ourense xa contestou a través dun comunicado que o coche oficial que acudiu o pasado sábado ao concello de Porqueira era o do técnico de seguridade "que está equipado con sistemas inhibidores" e non o do presidente da institución. Di así que "se ve na obriga de desmentir estas acusacións" ante as falsas acusacións do BNG e asegura que Baltar se achegou ao acto electoral "no seu vehículo particular".


Ligazóns

4.5/5 (8 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: