Vieiros

Vieiros de meu Perfil


Edición xeral

RSS de Edición xeral
CONVÉRTESE EN ACREDOR

Brasil fai un préstamo millonario ao FMI

Mercará bonos por valor de 10 mil millóns de dólares e o presidente brasileiro espera que o seu país poida agora influír nunha posíbel reforma do organismo.

Redacción - 14:05 11/06/2009

"No pasado era ao contraio: o Fondo Monetario Internacional (FMI) emprestaba ao Brasil, o que nos socorría cando o país era menos sólido. Agora, acadamos a solidez e reservas suficientes como para poder axudar á comunidade internacional, principalmente aos países que están en dificultades". Así explicaba o ministro de Facenda, Guido Mantega, o que considerou un "fito histórico": que Brasil prestará uns 10 mil millóns de dólares ao FMI.

Este préstamo farase mediante a compra de bonos emitidos polo organismo. Con todo, os intereses que recibirá a cambio aínda deben de ser decididos, se ben Brasil xa adiantou que agarda que o rendemento sexa alto. Con esta decisión, o país sudamericano únese a outras grandes economías emerxentes que tamén contribuirán ao FMI. Así, por exemplo, China prometeu outros 40 mil millóns para a entidade e Rusia outros 10 mil millóns.

Capacidade para intervir
Pola súa parte o presidente brasileiro, Lula da Silva, subliñou que agarda que, mediante este préstamo, o seu país consiga influír nunha posíbel reforma do organismo. "Iso dános unha autoridade moral para seguir exercendo presión para que se fagan cambios que son necesarios no FMI", dixo o presidente.

Mentres, a decisión foi ben recibida polo director xerente do organismo, Dominique Strauss-Kahn, quen dixo que a medida amosa o liderado de Brasil entre os países emerxentes. Nesa liña, destacou que estes recursos contribuirán a reforzar os do Fondo para axudar aos países membros a superar a crise económica global.


5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Lula da Silva asegurou que con esta medida Brasil poderá intervir na organización do FMI
Lula da Silva asegurou que con esta medida Brasil poderá intervir na organización do FMI
O director do FMI, Dominique Strauss-Kahn, dixo que esta medida confirma o liderado de Brasil entre os países emerxentes
O director do FMI, Dominique Strauss-Kahn, dixo que esta medida confirma o liderado de Brasil entre os países emerxentes