Vieiros

Vieiros de meu Perfil


Edición xeral

RSS de Edición xeral
Mentres continúan as protestas na rúa

Mousavi solicita a anulación das eleccións de Irán

O candidato da oposición reformista atópase en parodoiro descoñecido dende que terminaron os comicios, que describiu coma fraudulentos. Milleiros de iraníes concentráronse o domingo para apoiar a Ahmadinejad.

Redacción - 08:00 15/06/2009
O candidato reformista iraní, Mir Hossein Mousavi

O candidato reformista iraní, Mir Hossein Mousavi

O candidato reformista iraní, Mir Hossein Mousavi, presentou formalmente un recurso o domingo contra o resultado das eleccións da pasada segunda feira en Irán, e animou os seus seguidores a continuar pacificamente as protestas contra os resultados oficiais, que lle deron a vitoria a Mahmoud Ahmadinejad, co 62% dos votos.

"Pedímoslles ás autoridades que nos permitan face unha manifestación nacional para que a xente poida amosar que non está de acordo co proceso electoral e os resultados", sinala Mousavi nun comunicado. Porén, dende a pasada segunda feira, o principal opositor a Ahmadinejad atópase en paradoiro descoñecido.

Dende que se coñeceron os resultados dos comicios presidenciais, a capital do país, Teherán, foi escenario de graves enfrontamentos entre opositores e policía, y hai un cento de detidos. No domingo, os partidarios de Ahmadinejad tamén saíron á rúa defender o presidente.

Ahmadinejad defende os resultados colleitados
Polo seu lado, o presidente iraniano, Ahmadinejad, defendeu este domingo, en conferencia de prensa, a lexitimidade dos resultados obtidos nas eleccións e sinalou que a oposición está molesta porque "gastaron moitod cartos en propaganda, e agardaban gañar". Tamén acusou aos medios de comunicación estranxeiros de non querer aceptar o resultado dos comicios.

Protestas na rede
Po outro lado, un voceiro de Mousavi explicou que o seu diario, 'Kalameh-ye Sabz', e máis a súa web foran clausurados polo goberno del Irán. Alén disto, segundo algúns medios, o servizo de mensaxes de texto interrompeuse en Teherán, e a BBC sinalou que o goberno estaba a empregar un "sinal electrónico potente" para interromper a emisión da súa cadea en persa.

Porén, aproveitando as tecnoloxías, algúns blogueiros iranianos decidiron poñer na rede as súas denuncias de fraude electoral, describindo a situación que se vive na capital do país dende que comezaron os enfrontamentos entre policía e opositores. Na web tamén se penduraron imaxes e vídeos das protestas e da contestación do goberno, e a narración tamén dos feitos ao momento pode ser seguida vía Twitter.

Para ampliar información:


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Vídeo das protestas en Teherán

Imaxe dunha das protestas contra os resultados das presidenciais en Irán
Imaxe dunha das protestas contra os resultados das presidenciais en Irán
Partidarios de Amadinejad, nas rúas de Teherán este domingo
Partidarios de Amadinejad, nas rúas de Teherán este domingo