Vieiros

Vieiros de meu Perfil


Edición xeral

RSS de Edición xeral
Cooperación de Brasil e México

Lula e Calderón acordan coordinar as empresas públicas petroleiras

Primeiro chanzo dunha colaboración que incluiría a actuación conxunta dos respectivos xigantes empresariais en terceiros países.

Redacción - 13:35 18/08/2009

"É inconcebíbel desde o punto de vista económico que dous países que suman 300 millóns de habitantes, cun Produto Interior Bruto máis ou menos equivalente e renda per cápita semellante, teñan un fluxo de comercio de 7.400 millóns de dólares: iso non é nada", sinalou o presidente brasileiro, Lula da Silva, na súa intervención logo da xuntanza esta semana en Brasilia co presidente de México, Felipe Calderón. Lula apelou así a un incremento dos intercambios bilaterais entre os dous países co obxectivo de diminuíren dependencia doutros mercados.

Alén da posibilidade de creación dun área de libre comercio, no plano práctico, o acordo máis destacado saído deste encontro dos máximos mandatarios é o proxecto de alianza para explotación petrolífera. As respectivas empresas públicas petroleiras, Petrobrás e Pemex, xa esbozaran en 2005 unha iniciativa de colaboración que agora será ampliada. O esquema avanzado polos dous líderes políticos inclúe a posibilidade de actuación conxunta das empresas en terceiros países e proxecta ampliar a cooperación de México e Brasil no ámbito dos combustíbeis renovábeis.

Para ampliar:


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: