Vieiros

Vieiros de meu Perfil


Edición xeral

RSS de Edición xeral
PLURALISMO NOS MEDIOS PÚBLICOS

O BNG acusa á Radio Galega de “partidismo” por inaugurar o curso político entrevistando a Rajoy

Os nacionalistas consideran que hai poucos precedentes dun “atentado contra o pluralismo” destas características.

Redacción - 18:00 26/08/2009

Dende a semana pasada a Radio Galega anunciaba unha entrevista co líder do PP español, Mariano Rajoy. Este martes, ás 9.30 da mañá, e durante media hora o xefe de informativos da radio pública conversou co político pontevedrés (que só se expresou en castelán) sobre política galega e estatal.

A polémica estourou ao pouco de rematar a intervención. O BNG fixo público un comunicado no que acusa á emisora pública de poñerse a disposición de Génova. A deputada Ana Pontón subliñaba que o ocorrido era un dos maiores “atentados contra o pluralismo” da historia da Radio Galega. Segundo Pontón, non é de recibe “que se inaugure o curso político co líder da oposición en Madrid, mentres a oposición galega non goza do mesmo tratamento”.

Pontón anunciou que vai preguntar no Parlamento polo acontecido e acusou a Feijoo de aparcar a reclamación duns medios públicos plurais: “Esqueceuno rapidamente, fica demostrado que eran compromisos baleiros de contido para, realmente, exercer un control férreo dos medios para poñelos ao servizo do PP e da súa dirección en Madrid”.


4.78/5 (9 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: