Vieiros

Vieiros de meu Perfil


Edición xeral

RSS de Edición xeral
Zelaya non vai volver, di

Micheletti, presidente golpista de Honduras: "Non hai marcha atrás"

Segundo o xornal 'El Tiempo', empresariado do país estaría a contratar mercenarios de Colombia para protexer os seus terreos.

Redacción - 10:00 14/09/2009
Roberto Micheletti

Roberto Micheletti

O presidente golpista de Honduras, Roberto Micheletti, asegurou este domingo que "non hai marcha atrás" na destitución do presidente constitucional, Manuel Zelaya, deposto polos militares o pasado 28 de xuño. Micheletti confirmou, ademais, que as autoridades estadounidenses lle retiraron o visado de viaxe, que cualificou de "medida de presión".

Ademais de Micheletti, quedaron sen visado outros altos cargos do goberno de facto, como o ministro de Asuntos Exteriores, a vicepresidenta do Congreso Nacional, os 14 maxistrados da Corte Suprema de Xustiza e algúns empresarios con negocios nos EUA. Zelaya lamentou que o "país amigo" lle remitise a carta como presidente do Congreso Nacional.

Por outra banda, empresarios de Honduras achegáronlle unha oferta monetaria a paramilitares colombianos para que lles defendan os seus terreos, segundo revela o xornal colombiano El Tiempo. A publicación asegura que ofrecen até 14 mil lempiras (507 euros) mensuais por persoa, máis aloxamento e comida.

A oferta está dirixida a antigos membros das Autodefensas Unidas de Colombia, moitos deles acollidos a plans de reinserción do goberno colombiano. Segundo a información, empresarios da palma e da cana de azucre queren protexer as súas parcelas da violencia posterior ao golpe de estado e dos ataques das 'maras'.

Ademais, "hai ofrecementos de organizacións de ultradereita de varios países ao goberno hondureño", segundo asegurou Tomás Andino, deputado de Unificación Democrática, terceira forza política do país.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: