Vieiros

A chanceleresa Angela Merkel logrou este domingo os seus dous obxectivos: renovar no cargo e poder prescindir dos socialdemócrtas no goberno. Segundo os resultado provisionais, a súa formación, a Unión Cristián Demócrata (CDU), foi a forza máis votada ao superar o 33% dos sufraxios. O Partido Socialdemócrata (SPD) sofre unha histórica derrota ao caer en picado até o 23% e os liberais (o socio preferente de Merkel) logran perto do 15% dos votos. A formación Die Linke (á esquerda dos socialidemócratas) logra o 12,4% dos votos e Os Verdes o 10,2%.

Merkel xa deu por feita a vitoria da súa formación e anunciou que comezará a negociar cos liberais para formar un novo executivo cos liberais de Guido Westerwelle, que pasaría a ser o número dous alemán. A unión das forzas conservadoras suma o 48% dos apoios fronte ao 46% das tres principais organizacións progresistas do país.