Vieiros

Vieiros de meu Perfil


Lusofonía

Xestionado por Vieiros
RSS de Lusofonía
PARA REMATAR COAS DIFERENZAS TECNOLÓXICAS

Brasil estuda regalar 11 millóns de móbiles ás familias pobres

O plan, que custaría uns 780 millóns de euros, sería sufragado polas operadoras de telefonía, que serían compensadas con créditos fiscais.

Redacción - 13:45 12/11/2009

O presidente de Brasil, Lula da Silva, está a negociar con empresas de telefonía móbil a entrega de 11 millóns de teléfonos móbiles de balde a familias brasileiras de baixos recursos. Segundo publica o diario O Globo, o goberno entende que, deste xeito, se eliminarían as diferenzas tecnolóxicas, revertendo nas diferenzas sociais.

O plan custaría uns dous mil millóns de reais (uns 780 millóns de euros) e está dirixido a 11 millóns de potenciais clientes. Sería sufragado polas propias operadoras, interesadas en gañar un oco maior no mercado. A maiores, recibirán compensacións a xeito de créditos fiscais por parte do goberno.

O programa, que recibe o nome de Bolsa Celular, estipula que cada familia reciba un teléfono móbil e un crédito de sete reais (2,73 euros) ao mes. Dunha banda, o goberno asegura que as operadoras poderían conseguir a expansión do sistema de telefonía móbil e, pola outra, as empresas basean as súas expectativas de beneficio en que as familias acabarán superando o consumo de sete reais.

Pola súa parte, a oposición xa criticou a medida, que entende "electoralista" (falta menos dun ano para os comicios electorais). Asemade, hai outras correntes que tamén se opoñen: a Comisión de Ciencia e Tecnoloxía da Cámara de Deputados dixo que os esforzos do goberno deberían centrarse na masificación de internet e non na telefonía, argumentando que xa operan en Brasil case 170 millóns de móbiles.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: