Vieiros

Vieiros de meu Perfil


Edición xeral

RSS de Edición xeral
Elixidos o presidente e a xefa da diplomacia

O grupo Verdes-ALE di que a UE "toca fondo" coa elección de Van Rompuy e Ashton

"Os dirixentes europeos teñen exactamente o que querían: alguén que non lles faga sombra", afirman.

Redacción - 10:00 20/11/2009
Herman Van Rompuy e Catherine Ashton

Herman Van Rompuy e Catherine Ashton

O copresidente do grupo dos Verdes-ALE no Parlamento Europeo, Daniel Cohn-Bendit, afirmou este venres que Europa tocou fondo coa elección de dous políticos de "baixo perfil" como o primeiro ministro belga, Herman Van Rompuy e a comisaria de Comercio, a británica Catherine Ashton, para ocupar os novos altos cargos da UE.

"Os líderes proseguiron o seu traballo de debilitamento das institucións europeas. Confirmaron a súa opción por un presidente da Comisión débil (José Manuel Durão Barroso), elixindo tamén un presidente do Consello insulso e unha Alta Representante da Política Exterior insignificante", dixo Cohn-Bendit nun comunicado.

"Europa toca fondo. A boa noticia é que a partir de agora as cousas só poden mellorar", resaltou. A outra copresidenta do grupo, Rebecca Harms, afirmou que a elección dunha muller para un dos altos cargos da UE se debe moito á presión das eurodeputadas.

"Os éxitos futuros de Catherine Ashton dependerán moito da súa capacidade de traballar en estreita cooperación co Parlamento. Ela está máis preparada que o seu predecesor, Javier Solana", dixo Harms. "Herman van Rompuy será máis un moderador que un líder do Consello Europeo. Os dirixentes europeos teñen exactamente o que querían: alguén que non lles faga sombra", concluíu.


Ligazóns

5/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: