Vieiros

Vieiros de meu Perfil


Edición xeral

RSS de Edición xeral
Proposta presentada este venres en Bruxelas

A UE rescata a idea da 'taxa Tobin' que o FMI desbotou hai uns días

A imposición dun imposto sobre as transaccións financeiras a nivel global, suxerida xa en 1971, é defendida por Ignacio Ramonet e o movemento ATTAC.

Redacción - 10:30 11/12/2009
Brown e Sarkozy, esta quinta feira

Brown e Sarkozy, esta quinta feira

Os dirixentes europeos pretenden animar o FMI a estabelecer unha taxa mundial sobre "as transaccións financeiras" segundo o modelo da 'taxa Tobin', de acordo cunha proposta presentada este venres en Bruxelas.

A idea foi suxerida por vez primeira en 1971. Foi o economista James Tobin, Premio Nobel 10 anos despois, quen avogaba por un hipotético imposto sobre o fluxo de capitais no mundo. A iniciativa foi recuperada e impulsada posteriormente polo galego Ignacio Ramonet e o movemento ATTAC.

Os gobernos de Francia e do Reino Unido son agora os principais defensores da 'taxa Tobin' co argumento de asegurar que os bancos non tomen riscos de máis que puidesen levar a outra crise financeira. Os EUA son máis remisos a esta opción.

Porén, o aínda borrador de petición formal ao FMI pode ficar nun brinde ao sol, toda vez que o presidente do organismo económico internacional, Dominique Strauss-Kahn, cualificou a 'taxa Tobin' durante a xuntanza do G-20 o mes pasado como "unha idea moi vella, realmente imposíbel hoxe en día".


Ligazóns

4.33/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: