Vieiros

Vieiros de meu Perfil


Edición xeral

RSS de Edición xeral
ÚLTIMA HORA

Marcha cara a San Caetano en defensa da lingua

Os cidadáns que acudiron até a Praza do Obradoiro convocados por 'Queremos Galego' concentraranse diante do edificio administrativo onde se está a celebrar o Consello da Xunta.

Redacción - 17:35 30/12/2009

O frío e a choiva non escorrentaron ánimos este mércores en Santiago de Compostela, onde contra ás 17 horas da tarde unha multitude ateigou a Praza do Obradoiro en defensa da lingua do país.

Convocados pola plataforma Queremos Galego, concentráronse diante do Pazo de Raxoi onde se agardaba que este mércores se celebrase o Consello da Xunta, tal e como o executivo liderado por Alberto Núñez Feijoo vén facendo desde o inicio desta lexislatura. O cambio desta reunión ás instalacións da Xunta en San Caetano foi xustamente un dos reproches realizados polo presidente da Mesa pola Normalización Lingüística, Carlos Callón, durante a súa breve intervención no Obradoiro. Callón censurou a "política galegófoba" do actual Goberno e denunciou o ataque "contra a nosa lingua no ensino".

Por último, convidou á masa de xente que acudiu á concentración no Obradoiro a marcharen cara á outra beira da cidade deica á sede do Goberno en San Caetano para expresar o rexeitamento social á derrogación do decreto aprobado na anterior lexislatura. Recordan desde a Mesa que calquera proposta que vaia por debaixo do 50% de docencia no idioma propio do país, será "nula de pleno dereito", xa que vulnerará a Lei de Normalización Lingüística.

Por outro lado, a plataforma Queremos Galego anunciou a convocatoria dunha folga no ensino á volta das vacacións escolares. A data elixida para o paro nos centros: o próximo 21 de xaneiro. Esta acción de protesta fora xa anunciada por un dos colectivos integrantes da rede, a CIG-Ensino, e outros colectivos, como a Mocidade pola Lingua, fixeran tamén o seu propio chamamento á folga en todas as escolas do país.


4.77/5 (31 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: