Vieiros

Última hora:

•   BBC

•   CNN

Non hai aínda balance oficial de vítimas, mais os testemuños que chegan de Haití son dramáticos. Un sismo de sete graos na escala Richter tería causado milleiros de vítimas no país máis pobre do continente americano. O epicentro detectouse ás 22h53 da noite do martes a dez quilómetros de profundidade nunha área situada a 16 km ao oeste da capital, Porto Príncipe. Segundo o Instituto Xeolóxico Estadounidense, non se coñecía un terremoto dunha intensidade similar nesa zona nos últimos 200 anos.

O sismo prolongouse durante algo máis dun minuto, e sucedeulle unha forte réplica que chegou aos 5,9 graos. As comunicacións telefónicas quedaron cortadas e agora mesmo os únicos contactos co país prodúcense a través do satélite. Segundo as primeiras imaxes chegadas, numerosas edificacións públicas viñéronse abaixo no país, incluído o propio pazo presidencial, que quedou en ruínas.