Vieiros

Vieiros de meu Perfil


Edición xeral

RSS de Edición xeral
Petición "urxente" ao Consello de Estado

O goberno español acelera contra a lei de caixas

A ministra Elena Salgado dixo ver indicios de inconstitucionalidade na norma galega e confirmou a petición dun informe "urxente" como paso previo ao recurso á lei.

Redacción - 17:25 29/01/2010

"Van moito máis alá das cuestións que provocaron o recurso contra a lei de caixas madrileña", explicou Elena Salgado, vicepresidenta segunda do goberno español e ministra de Economía e Facenda, lembrando que naquel caso a lei foi modificada. Salgado expoñía así a súa convicción de que existirían indicios de ilegalidade na recentemente aprobada lei de caixas galega.

Por este motivo, e segundo avanzou a vicepresidenta primeira, María Teresa Fernández De la Vega, o goberno español solicitou do Consello de Estado un ditame urxente ao respecto desa suposta inconstitucionalidade. De la Vega indicou que o executivo estatal entende que existen preceptos da lei galega que colisionarían coa Lei de Órganos Reitores de Caixas de Aforros (LORCA). Así, nun prazo máximo de quince días, o goberno español terá o informe correspondente que, subliñou Salgado, confirmaría a posición do ministerio a prol da presentación dun recurso contra a lei de caixas ante o Tribunal Constitucional.


1.8/5 (5 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: