Vieiros

Vieiros de meu Perfil


Edición xeral

RSS de Edición xeral
Enquisa de Iberglobal 2010

O Igadi, elixido entre os 10 'think tanks' "máis influíntes" do Estado

O Instituto Galego de Análise e Documentación Internacional sitúase ademais entre as cinco primeiras especializadas en política mundial.

Redacción - 11:00 02/02/2010

A enquisa elaborada por segundo ano consecutivo pola empresa Iberglobal, portal dedicado á internacionalización empresarial, sitúa o Instituto Galego de Análise e Documentación Internacional (Igadi) entre os 10 think tanks "máis importantes e influíntes" do Estado, concretamente no posto noveno, tres máis arriba con respecto a 2009.

A lista, da que quedaron fóra unha trintena de organismos similares, está composta por 17 centros de investigación que -ao igual ca o ano pasado- lidera o Real Instituto Elcano.

En segundo, lugar aparece a Fundación para a Análise e os Estudos Sociais (FAES, grupo vinculado ao PP); e en terceiro, o Grupo de Estudos Estratéxicos (GEES, tamén ligado á dereita española). Cómpre salientar que estes dous lobbies rexistraron unha suba moi pronunciada con respecto a 2009.

Proxección exterior de Galiza

Un total de 1.100 persoas emitiron o seu voto nesta edición, que contou coa participación de novos entes de investigación como a Casa África, a Casa América, o Institución Futuro e a Fundación Rafael del Pino.

O Igadi, que dirixe Xulio Ríos e ten sede en Baiona, consolídase ademais entre as cinco primeiras entidades de investigación a nivel estatal especializadas en política internacional, pondo especial acento na proxección exterior de Galiza.


4.29/5 (17 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: