Vieiros

Vieiros de meu Perfil


Edición xeral

RSS de Edición xeral
Comparecencia do xeneral Nick Carter

"Non houbo erro" ningún no asasinato de 12 civís en Afganistán

"Agora sabemos que o mísil chegou ao obxectivo que se supuña debía chegar. Non era un mísil en mal estado. Non había defectos técnicos nel".

Redacción - 11:25 17/02/2010
O xeneral británico Nick Carter

O xeneral británico Nick Carter

As forzas da OTAN en Afganistán retomaron o uso do tipo de mísil que matou 12 civís o pasado domingo, logo de concluír que o proxectil impactou contra o branco correcto e que a súa traxectoria non se desviou, segundo explicou este martes o comandante das tropas británicas no sur de Afganistán, o xeneral Nick Carter.

Logo da morte dos civís no segundo día da ofensiva da OTAN contra Marjah, un bastión da resistencia afgá na provincia de Helmand, a Forza Internacional de Asistencia á Seguridade (ISAF) recoñecera que dous foguetes dun sistema de Artillaría de Alta Mobilidade lanzados contra milicianos desviáranse uns 300 metros da súa traxectoria.

A OTAN suspendeu entón o uso do citado sistema á espera dunha revisión. "Agora sabemos que o mísil chegou ao obxectivo que se supuña debía chegar. Non era un mísil en mal estado. Non había defectos técnicos nel", dixo Carter á prensa en Londres, mediante unha videoconferencia transmitida desde Afganistán.

"Estamos a ser moi coidadosos"
"Estamos utilizando eses mísiles outra vez, aínda que desde o incidente só se utilizou un. Os procedementos que aplicamos nese primeiro lanzamento resultaron ser como debían ser", indicou Carter. "Estamos a ser moi coidadosos, no entanto, con calquera munición de lanzamento aéreo", engadiu.

Un portavoz do Ministerio de Defensa británico dixo que os soldados que apuntaron contra o recinto obxectivo dos mísiles non sabían que había civís no seu interior. "Non é inusual que os insurxentes operen en recintos onde hai civís albergándose", sinalou.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: