Vieiros

Vieiros de meu Perfil


Edición xeral

RSS de Edición xeral
"Mala noticia, tamén para as autoridades"

Morre, após 85 días en folga de fame, un preso opositor ao goberno cubano

O finado -considerado "preso de conciencia" por Amnistía Internacional- é Orlando Zapata Tamayo, encarcerado na primavera de 2003.

Redacción - 10:45 24/02/2010
Zapata, segundo pola esquerda

Zapata, segundo pola esquerda

Orlando Zapata Tamayo, un dos 75 arrestados polas autoridades cubanas na primavera de 2003 -acusados de actuar como axentes dos EUA por, supostamente, aceptar cartos da Casa Branca- morreu este martes no hospital Hermanos Ameijeras -onde fora trasladado un día antes-, logo de pasar 85 días en folga de fame, informan as axencias internacionais.

Zapata Tamayo, que permanecía ingresado nun centro médico para reclusos de La Habana desde o pasado 16 de febreiro, iniciou a folga de fame para exixir ser tratado como "preso de conciencia". Precisamente esta condición é a que lle atribuía, tanto a el como aos outros 74 detidos hai sete anos, a organización Amnistía Internacional.

Segundo recolle a axencia española EFE, o pasamento suscitou a condena de opositores ao goberno cubano dentro e fóra da illa, ao considerar que se trataba dunha morte "evitábel". "Aparte dunha traxedia para a familia, é unha moi mala noticia para todo o movemento cubano de dereitos humanos e tamén para o Goberno, porque esa morte era evitábel", sinalou Elizardo Sánchez, da Comisión Cubana de Dereitos Humanos e Reconciliación Nacional.


3.86/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: