Vieiros

Vieiros de meu Perfil


Edición xeral

RSS de Edición xeral
Confirmados oficialmente máis dun cento de finados

Un terremoto de 8,8 graos sacode Chile e provoca numerosas mortes

As cinco rexións máis afectadas, ademais da capital, serán declaradas "zonas catastróficas" polo Goberno.

Redacción - 10:25 27/02/2010

Un forte terremoto de 8,8 graos na escala de Richter sacudiu na madrugada deste venres ao sábado a rexión chilena do Biobío, no centro-sur do país, segundo informou o Servizo Xeolóxico dos EUA (USGS).

Así que se rexistrou o sismo, o organismo emitiu unha alerta por tsunami nas rexións costeiras de Chile e de Perú e un aviso preliminar ante a posibilidade da aparición dunha onda xigante que pode alcanzar a costa de Ecuador.

A presidenta chilena, Michelle Bachelet, informou de que máis dun cento de persoas morreron e que o sismo ocasionou grandes danos materiais no sur do país. As cinco rexións máis afectadas, ademais da área metropolitana de Santiago, segundo indicou a mandataria, serán declaradas "zonas catastróficas". 

O epicentro do sismo rexistrouse a unha profundidade de 55 quilómetros e a unha distancia 89 quilómetros ao nordés de Concepción, a zona máis afectada.


Ligazóns

5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: