Vieiros

Vieiros de meu Perfil


Edición xeral

RSS de Edición xeral
Honduras

De xeneral golpista a xerente da empresa estatal de telecomunicacións

O ex xefe das Forzas Armadas, Romeo Vásquez, que encabezou o golpe de estado contra Manuel Zelaya, será o novo xerente da compañía pública Hondutel.

Redacción - 12:55 10/03/2010
Romeo Vásquez

Romeo Vásquez

A xunta directiva de Hondutel, que preside o ministro de Finanzas, William Chong, resolveu nomear o RomeoVásquez, ex xefe das Forzas Armadas de Honduras, como xerente da estatal Empresa Hondureña de Telecomunicacións (Hondutel), malia estar directamente implicado no golpe de estado do pasado 28 de xuño contra Manuel Zelaya.

Cómpre lembrar que o Parlamento ditou unha amnistía por aqueles sucesos. O xeneral, de 53 anos, foi apartado das Forzas Armadas hai uns días polo presidente Porfirio Lobo -que tomou posesión do cargo a finais de xaneiro-, aínda que xa antes transcendera extraoficialmente que sería recolocado na telefónica, informan axencias internacionais.

El mesmo dixo que ten "a capacidade necesaria" para dirixir Hondutel porque "a administración" naceu "nas Forzas Armadas". "É un gran reto, mais estou afeito aos desafíos e agradézolle a Porfirio Lobo a confianza que deposita en min", engadiu o Romeo Vásquez.


3.86/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: