Vieiros

As negociacións das últimas horas en París deron finalmente froito en Francia para un pacto ao que se suman entre outros o Partido Socialista (PS), Europe Ecologie e a Front de Gauche. Segundo o acordo, deseñarán listas comúns na maioría das 22 rexións onde a próxima fin de semana se celebrará a segunda volta das eleccións.

A decisión agoira que os resultados afondarán no pau aos apoios dos conservadores da UMP do presidente Nicolás Sarkozy. Deste xeito, a dereita mesmo podería perder os feudos do Elsass (Alsacia) e Corsica. No traballo de pecharlle o paso á dereita, no caso corso o acordo abrangue aos nacionalistas, que na primeira volta conseguiran xa un resultado histórico dobrando os resultados obtidos cinco anos antes. Así e todo, unha das fendas onde non foi posíbel o acordo é a Bretaña, onde o PS conta coa vitoria sen necesidade de pacto.

Recomendámoslles ampliar en:

• Le Monde
• Liberation

• Todos os resultados por departamentos na TF1